सौर्य एयरको विमान दुर्घटनामा १८ यात्रुको निधन
![सौर्य एयरको विमान दुर्घटनामा १८ यात्रुको निधन](https://snowberry.prixacdn.net/media/gallery_folder/Airpot-aago-laghi______gMotWdQcTZ_b2rplvextzxzeoxrewvh0b2jjcte4p5sgzitqab5tjux4exdbjqvnp9oikqf_tNSzycX4lh_0oqrjwwmyj3qihxz12lpmhfpryjtrczu150lgz4qoqvlkvx1fbshheus3k0p.jpg)
काठमाडौँ - काठमाडौँबाट पोखरातर्फ प्रस्थान गर्नेक्रमा सौर्य एयरको ९ एन एएमई जहाज दुर्घटना हुँदा विमानमा सवार १८ जनाको निधन भएको छ । उक्त जहाज उड्ने क्रममा त्रिभुवन अन्तर्राष्ट्रिय विमानस्थलको ‘रन वे’ पूर्वतर्फको खाल्डोमा खसेको थियो ।
विमानमा सवार १८ जनाको शव यत्रतत्र छरिएर रहेका अवस्थामा सङ्कलन गरिएको विमानस्थल सुरक्षार्थ खटिएका वरिष्ठ प्रहरी उपरीक्षक डम्बर विकले जानकारी दिनुभयो ।
उहाँले सङ्कलित ती शव अहिले त्रिभुवन विश्वविद्यालय शिक्षण अस्पतालमा लैजाने तयारी गरिएको बताउनुभयो । प्रहरी उपरीक्षक विकका अनुसार सो विमानका चालक दलका एक सदस्यलाई जीवितै उद्धार गरिएको छ ।
सौर्य एयरको जहाज मर्मतका लागि कर्मचारी र प्राविधिक लिएर पोखरा जाँदै गरेको उक्त विमान दुर्घटनामा परेको हो । अहिले विमानस्थलमा आन्तरिक उडान प्रभावित भएको छ ।
प्रतिक्रिया