घरभित्र चट्टयाङ्ग परेर किशोरी घाइते

दैलेख – गएराति घरमा चट्टयाङ्ग परेर दैलेखमा एक किशोरी घाइते भएकी छिन् । दैलेखको ठाँटीकाँध गाउँपालिका–३ माझखर्कमा राजबहादुर बुढाको घरमा चट्टयाङ्ग परेर १४ वर्षीया छोरी रमा बुढा घाइते भएकी ठाँटीकाँध गाउँपालिका–३ का वडाध्यक्ष भरत बमले जानकारी दिनुभयो ।

भारी वर्षासंगै परेको चट्टयाङ्गले कोठाभित्र सुतिरहेकी ती किशोरी घाइते भएकी हुन् । चट्टयाङ्गले दायाँ हात र दायाँ खुट्टा चल्न नचलेको किशोरीका काका अर्जुन बुढाले बताउनुभयो । घाइतेकाे घरमै प्राथमिक उपचार थालिएको र थप उपचारका लागि स्वास्थ्य चौकीमा प्राथमिकमा लिने तयारी भएकाे बताइएको छ ।