चामुण्डामा 'जलवायु परिवर्तन' सम्बन्धी चित्रकला प्रदर्शनी

चामुण्डा -   दैलेखको चामुण्डा बिन्द्रासैनी नगरपालिकामा जलवायु परिर्विन सम्बन्धि चित्रकला कार्यक्रम गरिएको छ । सेभ द चिल्ड्रेनको साझेदारी,चामुण्डाबिन्द्रासैनि नगरपालिकाको समन्वय सोसेक नेपालद्वारा संचालित सहयात्रा तेस्रो परियोजना अन्तर्गत उक्त कार्यक्रम गरिएको हो । “भोलिका लागि सँगैः युवा जलवायु नायकहरु ! भन्ने सन्देश दिदै उक्त कार्यक्रम गरिएको हो । “जलवायु परिवर्तन र न्याय” सम्बन्धी चित्रकला  र ग्यालरी प्रस्तुतीकरण कार्यक्रम गरिएको थियो  ।

“जलवायु परिवर्तन र न्याय” सम्बन्धी  कार्यक्रममा बोल्दै नगरपालिका उपप्रमुख मनसरा कुमारी शार्माले जलवायु परिवर्तनले मानवीय जिवनमा पार्ने प्रभावहरुको बारेमा कार्यक्रमले बालबालिका, शिक्षक र समुदायमा सकारात्मक सन्देश दिएको बताउनुभयो   । 

विद्यार्थीले प्रस्तुत गरेका चित्रले जलवायु परिवर्तनले सुरुको अवस्था, हालको अवस्था देखाएको छ,’उहाँले भन्नुभयो, ‘जलवायु परिर्वतन न्युनिकरणका लागि विद्यालय घर, समाज र समुदायले गर्नुपर्ने जिम्मेवारीबारे प्रष्ट पारेको छ ।’

जलवायु परिर्वतन न्यूनिकरणका लागि आम समुदायले प्राकृतिक स्रोतको संरक्षणमा लाग्नुपर्ने उपप्रमुख रेग्मीको भनाई छ । 

चामुुण्डाबिन्द्रासैनी नगरपालिकाले नगरभित्रका सम्पुर्ण विद्यालयहरुमा जलवायु परिर्वतनले गर्ने प्रभाव र जलवायु अनुकुलनका लागि अभिमुखिकरण समेत गर्दै आएको रेग्मी बताउँनुहुन्छ । 
कार्यक्रमको प्रमुख अतिथि समेत रहनुभएकी रेग्मीले जलवायु परिर्वतन रोक्न तथा वातावरण संरक्षणका लागी र स्वच्छ सफा नगर निर्माणको लागी फोहोर व्यवस्थापन गर्न डम्पिङ साईडको व्यवस्था गर्ने प्रतिवद्धता जनाउनुभयो  ।
श्री हिमालय माध्यामिक विद्यालय तिजडाँडामा अध्ययनरत छात्र दिनेश खत्रीले बनाएको चित्रद्वारा जलवायु परिवर्तनमा असरहरु र यसको रोकथामका उपायहरुको बारेमा प्रस्तुति सहित प्रष्ट पार्नुभएको थियो । सुरुमा कलकारखानाबाट उत्सर्जन भएको धुवाँ तथा फोहरजन्य पदार्थले वातावरण र नदी तथा खोलाको पानीमा असर पार्ने र त्यसबाट मानव जिवनमा प्रभाव पार्ने बताउनुभएको थियो   । यस्तो अवस्था सिर्जना भएर बाढी पहिरोले विभिन्न क्षती हुन पुगेको चित्र मार्फत स्पष्ट पार्नुभयो   ।

त्यस्तै चामुण्डा माध्यामिक विद्यालय हाडाकोटमा अध्यनरत दुर्गा बिकले पनि चित्र प्रर्दशन गर्नुभएको थियो  । उहाँले प्रस्तुत गरेको चित्रमा सुरुको अवस्थामा वनजंगलले वातावरण सफा र गाउँघर स्वस्थ रहेको र हाल वन फडानीको कारणले वातावरण प्रदुषिद भएको देखाएकी छन् । जस्ले गर्दा भू–क्षय र वाढी पहिरोको जोखिम बढेको उल्लेख गरेकी छिन् भने जलवायु परिवर्तन रोकथामका लागि वृक्षारोपण, वनजंगलको संरक्षण र न्युनिकरणका उपायहरुको बारेमा चित्र मार्फत प्रष्ट्याएकी छिन्  ।