दैलेखमा व्लड वैंक स्थापना

   दैलेख । स्वास्थ्य सेवा कार्यालय दैलेखमा व्लड वैंक स्थापना गरिएको छ । स्वास्थ्य सेवा कार्यालयको हाताभित्र शुद्ध र सरक्षित रक्त विरामीलाई दिन सकिने गरि नेपाल रेडक्रस सोसाईटी दैलेख शाखाले रक्त सञ्चार केन्द्र स्थापना गरेको हो । 
व्लड वैंक स्थापना सँगै रगत अभावले कुनै पनि विरामी वाह्य जिल्ला जानुनपर्ने स्वास्थ्य सेवा कार्यालय दैलेखले जनाएको छ । रगतको अभावले अधिकाँश विरामीको अप्रेशन लागि जिल्ला बाहिर पठाउनु पर्ने बाध्य थियो । अव त्यो समस्या हट्यो खोप अधिकृत थिर प्रसाद रेग्मीले जानकारी दिए । उनले भने, आपतकालिन रगत दिदै आएका थियौं,तर व्लड वैक स्थापना थिएन । अब रक्तदातावाट रगत लिएर स्टोर गरिन्छ,आवश्यक व्याक्तिलाई उपलब्ध हुन्छ । 
१७ पुस २०६० वर्षदेखी शुरु भएको आपतकालिन  रक्त सञ्चार गरिंँदै आएको थियो । “आवश्यक उपकरणको अभावमा सङ्कलन र भण्डारण गर्न सकिएको थिएन, अब सकिने भएको छ, समस्यामा परेकाहरुले रगत खोज्दै भौंतारिनु पर्दैन,” नेपाल रेडक्रस सोसाइटी दैलेखका सभापति निरन्जन खत्रीले भने । आवश्यक सामग्री र उपकरण प्रबन्ध गरी रक्त सञ्चार केन्द्र सञ्चालनमा ल्याइएको छ । 
 केन्द्र सञ्चालन गर्न नेपाल रेडक्रस सोसाइटी दैलेख शाखाका उपसभापति यामबहादुर कटुवालको संयोजकत्वमा १३ सदस्यीय रक्त सञ्चार केन्द्र समिति गठन गरिएको छ । स्वास्थ्य सेवा कार्यालयका डा. सुदीप खड्का, दीपक कार्की, टकबहादुर भण्डारी, रञ्जिता गिरी खड्का, नैना गुरुङ्, जिल्ला प्रशासन कार्यालयका प्रशासकीय अधिकृत गणेशप्रसाद कोइरालालाई सदस्यमा मनोनीत गरिएको छ । जिल्लामा धेरै पटक  रक्तदान गरेका रक्तदाता समाजका जिल्ला अध्यक्ष अमर सुनार भने,रक्त सञ्चार स्थापना निक्कै खुशी कुरो हो ।  सञ्चालन मात्र नभएर व्यवस्थापनमा पनि सरोकारवाला पक्ष जिम्मेवार हुनुपर्छ,उनले भने ।