पलाँताको राडुकाप्रे खोलामा जीप दुर्घटना हुँदा ६ जनाको मृत्यु

काठमाडौँ -  आइतबार कालीकोटको पलाँता गाउँपालिका–३, राडुकाप्रे खोलामा जीप दुर्घटना भएको छ । दुर्घटनामा ६ जनाको मृत्यु भएको छ भने १३ जना घाइते भएको प्रहरीले जनाएको छ   ।

गाउँपालिका अध्यक्ष विष्णुबहादुर रोकायाले आफू घटनास्थलमै रहेको र हालसम्म ६ जनाको शव फेला परेको जानकारी दिनुभयो।  उहाँले भन्नुभयो, ‘अहिले म घटनास्थलमै छु। अहिलेसम्म ६ जनाको मृत्यु र १३ जना घाइते भएको जानकारी पाएको छु। घाइतेको उद्धार कार्य भइरहेको छ।’