दैलेखको महाबु गाउँपालिका अध्यक्ष पदमा सात दल,जाजरकोटको नलगाडमा उपाध्यक्ष पदको लागि चारदलको मनोनयन दर्ता
दैलेख । दैलेखका महाबु गाउँपालिकाको अध्यक्ष पदका लागि सात दलले मनोनयन दर्ता गराएका छन् । आइतबार कांग्रेस, माओवादी केन्द्र, नेकपा एस, एमाले, रास्वपा, राप्रपा र नेमकिपाले मनोनयन दर्ता गराएका हुन् । कांग्रेसबाट झलकबहादुर भण्डारी, माओवादी केन्द्र जंगबहादुर बराल मगर, नेकपा एसबाट जगतबहादुर हमाल, एमालेबाट जंगबहादुर शाही, रास्वपाबाट प्रकाशकुमार बुढा, राप्रपाबाट सुर्जे रावत र नेमकिपाबाट दुर्गबहादुर मगरले उम्मेदवारी दिएका हुन् ।
यस्तै जाजरकोटको नलगाड नगरपालिकाको उपप्रमुखका लागि चार दलले उम्मेदवारी दर्ता गराएका छन् । कांग्रेस, राप्रपा, एमाले र माओवादीले उम्मेदवारी दर्ता गराएका छन् । कांग्रेसबाट इन्द्रा चन्द सिंह, एमालेबाट सुनिता बोहोरा, माओवादी देवका लामिछानेले उम्मेदवारी दर्ता गराएका हुन् । यहाँ कांग्रेसबाट निर्वाचित उपप्रमुखको २०८० कात्तिकमा भूकम्पमा परेर निधन भएको थियो ।
प्रतिक्रिया