नेपाली कांग्रेसको कोषाध्यक्षमा उमेश श्रेष्ठ नियुक्त

काठमाडौँ । नेपाली कांग्रेसको कोषाध्यक्षमा उमेश श्रेष्ठ नियुक्त हुनुभएको छ ।  उहाँलाई नेपाली कांग्रेसका सभापति शेरबहादुर देउवाले आइतबार कोषाध्यक्षमा नियुक्त गर्नुभएको हो । 

व्यवसायी समेत रहेका श्रेष्ठ नेपाली कांग्रेसको केन्द्रीय सदस्य समेत रहनुभएका उहाँ २०७९ को प्रतिनिधिसभा निर्वाचनमा चितवन–२ बाट चुनाव लड्नुभएको थियो । त्यहाँ राष्ट्रिय स्वतन्त्र पार्टीका सभापति रवि लामिछाने निर्वाचित हुनुभएको थियो  ।

दुइ पटक संविधानसभा सदस्य भएका श्रेष्ठ पूर्व स्वास्थ्य राज्यमन्त्री समेत हुनुहुन्छ । उहाँ लिटिल एन्जल्स एजुकेसनका संस्थापक अध्यक्ष समेत हुनुहुन्छ ।

कृषि, हस्पिटालिटी, हाइड्रो र अस्पताल व्यवसायमा संलग्न श्रेष्ठको चितवनमा होटल सिराइचुली, होटल सेन्ट्रल पार्क, धुलिखेलमा हिमालयन दृश्य रिसोर्ट र तनहुँमा घाँसी हेल्थ रिसोर्टमा लगानी छ।