उपनिर्वाचन : दुल्लू नगरपालिका १३ मा एमालेका उम्मेदवार विजय

दैलेख । स्थानीय तह उपनिर्वाचनमा दुल्लु नगरपालिका वडा नं १३ को वडा अध्यक्ष पदमा नेकपा एमालेका लालबहादुर शाही विजय भएका छन् । पाँच सयय ७४ मत प्राप्त गरी शाही विजय हुनु भएको निर्वाचन अधिकृत बीरेन्द्रबहादुर मल्लले जानकारी दिए । 
उहाँका निकटम् प्रतिद्वन्दी नेपाली काँग्रेसका रेशमबहादुर शाही पाँच सय ७१ मत पाएका थिए भने नेकपा माओवादी केन्द्रका ढकेन्द्रबहादुर शाहीले दुई सय ७८, रास्वपाका रामबहादुर शाहीले ५३, राप्रपाका रेशमबहादुर मल्लले १३ र नेमकिपाका पूर्णप्रसाद उपाध्यायले चार मत पाउनुभएको थियो ।
निर्वाचन अधिकृत बीरेन्द्रबहादुर मल्लका अनुसार खसेको कुल एक हजार पाँच सय २७ मत गणना गर्दा ३३ मत वदर भएका थिए । त्यसैगरी दैलेखको महाबु गाउँपालिकाका अध्यक्ष पदका लागि आइतबार नै भएको मतदानको मतगणना सुरु भएको छ । महाबुका ६ वटै वडाका ९ स्थानमा रहेका १६ वटा मतदान केन्द्रमा ६ हजार नौ सय ८९ मत खसेको थियो ।