कर्णाली नदीमा स्काभेटर पल्टिदा, एकजना वेपत्ता

कालिकोट ।  कालिकोटको पचालझरना ८  चाटेबगर स्थित कर्णाली नदिमा स्काभेटर पल्टिदा  पल्टिदा  एक जना नदीमा बेपत्ता भएका छन । नदीमा वेपत्ता हुनेमा पचालझराना ८ का कुस्काखर सन्ज्याल हुन् । पचालझरना ८  खडतोली निवासी निर्माण ब्यवसायी मुक्ति सन्ज्यालको  स्काभेटर कर्णाली नदी तार्ने क्रममा  अपरान्ह ५ बजे पल्टिएको थियो । 
 पचालझरना गाँउपालिका वडा नं ८ चाटेवगर देखि पचालझरना ४ जारकोट जाने क्रममा कर्णाली नदीमा  डोजर पल्टिए पछि  चालकसंगै रहेका निर्माण ब्यवसायी प्रतिनिधि  कुस्माखर संज्याल नदीमा बेपत्ता भएको स्थानीयबासीले बताए ।  कर्णालि नदीमा स्काभेटर पल्टिदा मेशिन सहित सन्जेल वेपत्ता भएको पचालझरना गाउपालिकाउ उपाध्यक्ष अल्किना बमले जानकारी दिईन । नदीमा स्काभेटर पल्टिएपछि चालकलाई स्थानीयले उद्धार गरे । तर सँगै रहेको सन्जेल वेपत्ता छन,वेपत्ताको खोजी कार्य भईरहेको छ,उनले भनिन् । 
खाडाच्रक ८का डोजर चालक  बर्ष ३१  नमराज मल्ललाइ सकुशल उद्वार गरिएपछि उनलाई ईलाका प्रहरी कार्यालय पचालझरनाले नियन्त्रण लिई सोधपुछ गरिरहेको छ । नदीमा वेपत्ता भएका ४० बर्षिय   कुस्माखर सन्ज्यालको खोजीकार्य भईरहेको ईलाका प्रहरी कार्यालय पचालझरनाले जानकारी दिएको कालिकोट प्रहरी निमित्त प्रमुख प्रहरी निरिक्षक गोबिन्द चौधरीले बताए ।