ललितपुरको झम्सीखेलमा किसान बजार सञ्चालनमा

ललितपुर -   राष्ट्रिय कृषक समूह महासङ्घ र मेट्रो मार्केटको व्यवस्थापनमा ललितपुरको झम्सीखेलमा किसान बजार सञ्चालनमा आएको छ ।

किसान अधिकारप्रति समर्पित प्रकृतिसम्मत कृषिको प्रवद्र्धन गरौँ कृषि कर्मलाई उद्यममा रुपान्तरण गरौँ भन्ने नाराका साथ कृषकद्वारा अग्र्यानिक कृषि उत्पादनलाई उपभोक्तासम्म पु¥याउने अभिप्रायका साथ आजदेखि किसान बजार सञ्चालनमा आएको हो ।

किसान बजार शुभारम्भका अवसरमा ललितपुर महानगरपालिकाका उपप्रमुख मञ्जली शाक्य बज्राचार्यले यो स्वच्छ तथा अग्र्यानिक तरकारी र खाद्यान्न बजारीकरण गरी किसानलाई उत्पादनको उचित प्रतिफल दिन उपयुक्त स्थान तयार भएको बताउनुभयो ।

“किसानको सम्मान नभएसम्म देशको समृद्धि हुन सक्दैन, तसर्थ यो अभियानले शुद्ध खाद्यवस्तुको प्रवद्र्धनका साथै किसानको सम्मानका लागि महत्त्वपूर्ण काम गर्नेछ, पर्यावरण र माटो जोगाउनका लागि अग्र्यानिक उत्पादनलाई प्रोत्साहन गर्न यो अभियान फलदायी छ, यसले उत्पादक र उपभोक्ताबीच समन्वय गराउँदै उत्पादनमा जोड दिन महत्त्वपूर्ण योगदान दिनेछ”, उहाँले भन्नुभयो ।

उहाँले आधुनिकता र वर्तमान शिक्षा प्रणालीले बिर्साउँदै गएको खेतीपातीको अभ्यास र संस्कारलाई निरन्तरता दिँदै कृषि पेसामा लाग्न प्रेरित गर्नेमा विश्वास व्यक्त गर्नुभयो । उहाँले कृषि पेसालाई त्याग्ने प्रवृत्तिलाई निरुत्साहित गर्न र दुःख गरेर पनि लाभ पाउन नसकेको किसानलाई यो कामबाट अत्यन्तै प्रभावकारी वातावरण तयार गर्ने धारणा राख्नुभयो । 

राष्ट्रिय कृषक समूह महासङ्घका राष्ट्रिय निर्देशक केदार कोइरालाले किसानको पेसालाई सम्मानित बनाउन र उत्पादनको पूर्ण मूल्य प्रदान गर्न आवश्यक रहेकोमा जोड दिनुभयो । उहाँले उत्पादनमा आधारित खाद्यसुरक्षा र खाद्य सम्प्रभूताका लागि सहभागितामूलक सुनिश्चितता प्रणालीमार्फत अर्गानिक उत्पादनलाई उपभोक्तासम्म पु¥याउन हरसम्भव प्रयास गर्ने बताउनुभयो । मेट्रो मार्केट भन्नेबित्तिकै स्वच्छ उत्पादन भन्ने हुनुपर्छ भन्दै उहाँले यसबाट साँच्चिकै किसानको पहिचान गरी तहगत व्यवस्थापन गरी सामाजिक सुरक्षामा जोड्नसमेत सहयोग हुने बताउनुभयो । 

किसान बजारको निर्देशक इसानी श्रेष्ठले सहजै पाइने अर्गानिकयुक्त खाद्य सामग्रीको प्रवद्र्धनका साथै स्वस्थ्य तरकारीको बजारीकरण र उपभोक्तासम्म सहज रूपमा पु¥याउन यो अभियान प्रभावकारी हुनेमा विश्वास व्यक्त गर्नुभयो । उहाँले किसान र उपभोक्ताबीचको दूरीलाई कम गर्दै उत्पादन गरी बजारीकरणमा सहज पहुँच अभिवृद्धिका लागि विषादी नभएको खानालाई प्रेरित गर्न लागिपर्ने जानकारी गराउनुभयो । किसान बजारमा हरेक शनिबार मेला लाग्ने उहाँले जानकारी गराउनुभयो ।