सुर्खेत-दैलेख सडक खण्ड दुई लेनमा विस्तार गर्न सांसद थापाको माग

काठमाडौँ –   प्रतिनिधि सभा सदस्य अमर बहादुर थापाले सुर्खेत(दैलेख सडक खण्डलाई दुई लेनमा विस्तार गर्न सरकारको ध्यानाकर्षण गराउनुभएको छ ।

बुधवार संसदको विशेष समयमा बोल्दै उहाँले उक्त सडक खण्डलाई फराकिलो बनाउन पटक–पटक पहल भए पनि सरकारले उपेक्षा गरिरहेको बताउनुभयो । 'सुर्खेत(दैलेख सडक सन् (२०५० साल) मा निर्माण भएको भए पनि हालसम्म एकतर्फी मात्र छ। दुइलेन बनाउन पटक–पटक माग गर्दा पनि सरकारले कुनै चासो देखाएको छैन। त्यसैले म सरकारलाई तत्काल यो सडकलाई दुई लेनमा विस्तार गर्न आग्रह गर्दछु,' सांसद थापाले भन्नुभयो ।

साथै, उहाँले सुर्खेत-दैलेख-महाबु सडक खण्डको निर्माणलाई समेत प्राथमिकतामा राख्नुपर्ने बताउनुभयो । उक्त सडक निर्माणले पूर्व कर्णाली क्षेत्रका बासिन्दालाई प्रत्यक्ष लाभ पुग्ने बताउनुभयो । 'कम्तीमा ७९ किलोमिटर सडक निर्माण गर्न आवश्यक छ, जसका लागि लाखौं रुपैयाँ लगानी चाहिन्छ। यो योजना गौरवशाली छ, त्यसैले सरकारले यसलाई विशेष योजना बनाएर अघि बढाउनु पर्दछ,' उहाँले जोड दिनुभयो ।