खाडाचक्रमा एकदिने च्याउ खेती सम्बन्धी अभिमुखीकरण

कालिकोट -   कालिकोटको खाडाचक्र नगरपालिकामा च्याउ खेती सम्बन्धी एकदिने अभिमुखीकरण कार्यक्रम संचालन गरिरुएको छ ।

एइआईएन लक्जेम्बर्गको साझेदारी खाडाचक्र नगरपालिकाको समन्वय तथा सोसेक नेपालद्वारा सञ्चालित आधार परियोजनाको सहजीकरणमा वडा नम्बर –  ५ मा सीमान्तकृत महिला तथा युवालाई लक्षित गर्दै च्याउ खेती सम्बन्धी एकदिने अभिमुखीकरण कार्यक्रम सम्पन्न भएको हो ।

उक्त कार्यक्रम वडा नम्बर ५ मा गठित महिला संजाल तथा महिला समूहहरूको सक्रिय सहभागितामा आयोजना गरिएको थियो। कार्यक्रममा प्रगतिशील महिला संजालकी अध्यक्ष श्रीमती बिस्मता बिकको अध्यक्षता रहेको थियो । कुल १९ जना सहभागी रहेको कार्यक्रममा च्याउ खेतीको महत्व, यसको व्यावसायिक सम्भावना, उत्पादन प्रक्रिया तथा आवश्यक सामग्रीहरूको बारेमा विस्तृत जानकारी प्रदान गरिएको आधार परियोजनाले जनाएको छ ।
त्यस्तै कार्यक्रममा बाल अधिकार सुरक्षासँग सम्बन्धित ‘बाल हेल्पलाइन १०९८’ को बारेमा समेत जानकारी दिइएको थियो । सहभागीहरूले तालिम अत्यन्त उपयोगी रहेको बताउँदै, सिकेका सीपलाई व्यवहारमा लागू गर्ने प्रतिबद्धता व्यक्त गरेका छन् ।

अभिमुखीकरण कार्यक्रमले स्थानीय महिलाहरू र युवाहरूलाई आत्मनिर्भर बन्न प्रेरित गर्ने विश्वास लिइएको छ। कार्यक्रम सुसम्पन्न गर्दै सहभागीहरूले यस्ता उपयोगी तालिमहरू आगामी दिनहरूमा पनि निरन्तर सञ्चालन गरिनुपर्ने आवश्यकता औंल्याएका थिए ।दिइएको थियो । सहभागीहरूले तालिम अत्यन्त उपयोगी रहेको बताउँदै, सिकेका सीपलाई व्यवहारमा लागू गर्ने प्रतिबद्धता व्यक्त गरेका छन् ।

अभिमुखीकरण कार्यक्रमले स्थानीय महिलाहरू र युवाहरूलाई आत्मनिर्भर बन्न प्रेरित गर्ने विश्वास लिइएको छ । कार्यक्रम सुसम्पन्न गर्दै सहभागीहरूले यस्ता उपयोगी तालिमहरू आगामी दिनहरूमा पनि निरन्तर सञ्चालन गरिनुपर्ने आवश्यकता औंल्याएका थिए ।