प्रदेश प्रमुख यज्ञराज जोशी उपचारका लागि अमेरिका जाँदै

काठमाडौँ –   कर्णाली प्रदेशका प्रमुख यज्ञराज जोशी स्वास्थ्य उपचारका लागि संयुक्त राज्य अमेरिका जानुहुने भएको छ। उहाँ आगामी जेठ ५ गतेदेखि असार १३ गतेसम्म अमेरिका रहने कार्यक्रम रहेको छ।

जोशीलाई अमेरिका जान स्वीकृति दिने निर्णय हालै बसेको मन्त्रिपरिषद् बैठकबाट भएको हो। बैशाख १७ गते बसेको कर्णाली प्रदेश मन्त्रिपरिषद् बैठकले उहाँको विदेश यात्रा अनुमोदन गरेको हो।

प्रदेश प्रमुख जोशीको अनुपस्थितिमा उहाँले सम्पादन गर्दै आएका कार्यहरूको जिम्मेवारी भने सुदूरपश्चिम प्रदेशका प्रमुख नजिर मियाँले निर्वाह गर्नुहुनेछ। राष्ट्रपतिसमक्ष मियाँलाई कार्यवाहक प्रदेश प्रमुखका रूपमा सिफारिस गर्ने निर्णय पनि मन्त्रिपरिषद्ले गरेको छ।

यो अवधिमा जोशीको स्वास्थ्य उपचारसँग सम्बन्धित सम्पूर्ण प्रक्रिया अमेरिकामा हुनेछ भने प्रदेश प्रमुखको भूमिकामा अन्तरिम रूपमा मियाँले जिम्मेवारी सम्हाल्नेछन्।