विश्व मानसिक स्वास्थ्य दिवस २०८२ को अवसरमा सोसेक नेपालको सन्देश

दैलेखः विश्व मानसिक स्वास्थ्य दिवस २०२५ अर्थात  २०८२ को अवसरमा सोसेक नेपालले  शुभकामना व्यक्त गरेको छ । शुक्रबार सोसेक नेपालले एक प्रेस नोट जारी गर्दै “मानसिक स्वास्थ्य सबैको मौलिक अधिकार हो” भन्ने यस वर्षको नारालाई आत्मसात गर्दै, मानसिक स्वास्थ्य नै समग्र स्वास्थ्यको मेरुदण्ड हो । त्यसैले विश्व मानसिक स्वास्थ्य दिवस २०२५ का अवसरमा हामी सोसेक  नेपालको तर्फबाट सम्पूर्ण नागरिकहरू, साझेदार संस्था, बालबालिका, किशोरी, युवा, वृद्धवृद्धा, महिला तथा हाशियामा पारिएका समुदायप्रति हार्दिक शुभकामना प्रकट गर्दछौँ । हाँमी प्रत्येक व्यक्तिको मानसिक स्वास्थ्यलाई सम्मान, सहयोग र संवेदनशीलताका साथ बुझ्नुपर्ने आवश्यकता महसुस गर्दछौं। मानसिक समस्यालाई लुकाउनु होइन, खुलेर बोलौं – सहयोग गरौं, सुरक्षित बनाऔं  उक्त प्रेसनोटमा उल्लेख गरिएको छ ।

सोसेक नेपाल समुदायमा आधारित मानसिक स्वास्थ्य सेवाको पहुँच, परामर्श सेवा, बालमैत्री तथा महिला मैत्री कार्यक्रममार्फत मानसिक स्वास्थ्यप्रति सचेतना अभिवृद्धि गर्दै आएको छ ।
आउनुहोस् बोलौं, सुनौं, समर्थन गरौं – मानसिक स्वास्थ्यका लागि एकजुट होऔं । अन्तमा, यस अवसरमा हामी सबैले मिलेर शिक्षा क्षेत्रमा पारदर्शिता, समावेशिता र गुणस्तर अभिवृद्धिका लागि निरन्तर प्रयास जारी राख्ने संकल्प गरौं । साथै, आफ्ना कार्यसम्बन्धी सुझाव, गुनासो वा सल्लाहका लागि टोल फ्री नम्बर १६६०८९४२००१ र ९८०१५७४८८८  मा सम्पर्क गर्न आह्वान गरेको छ ।