विपन्न किसान र बालबालिकालाई मौरी घार र शैक्षिक सामग्री वितरण
दैलेख - दैलेखको भैरवी गाउँपालिकामा विपन्न किसान र बालबालिकालाई मौरी घार तथा शैक्षिक सामग्री वितरण गरिएको छ।
एईआइएन लक्जेम्बर्गको साझेदारी गाउँपालिकाको समन्वयमा, सोसेक नेपालद्वारा सञ्चालित आधार परियोजनाको सहजीकरणमा मौरी घार तथा शैक्षिक सामग्री वितरण गरिएको हो ।
मौरी घार तथा शैक्षिक सामग्री वितरण कार्यक्रममा गाउँपालिका उपाध्यक्षको अध्यक्षतामा सम्पन्न भएको आधार परियोजना भैरवीमा कार्यरत जमुना थापा मगरले जानकारी दिइन् ।
कार्यक्रममा वडा नं. १ देखि ७ सम्मका २० जना किसानलाई प्रत्येक एक–एक घारका दरले मौरी वितरण गरिएको आधार परियोजनाले जनाएको छ ।
त्यस्तै, आर्थिक अवस्था कमजोर, विपन्न वर्गका साथै बुवा–आमा नभएका ३५ जना बालबालिकालाई शैक्षिक सामग्री वितरण गरिएको हो।
प्रतिक्रिया