आजवाट महोत्सव शुरु सिगारिँदै दैलेख सदरमुकाम

          |   प्रकाशित मितिः शुक्रबार, बैशाख १७, २०७३     ::: 401 पटक पढिएको   |  

दैलेख १६ वैशाख– यतीवेला तपाईहरु दैलेख सदरमुकाम आउदै हुनुहुन्छ भने तपाईले सदरमुकाम झट्ट हेर्दा कुनै व्यक्तिको विवाहमा गराईने रंगी चंगी भन्दा कम नभएको महशुर गर्नुहुने छ । सदरमुकाम सँगै जिल्ला प्रवेश गर्ने नाकाहरु, जिल्ला भित्रका विभिन्न बजार केन्द्रहरुमा पनि अहिले ब्यानरहरुले भरिभराउ छन् । mahosba phआ–आफ्ना पसल अगाडि व्यानरमा दैलेख महोत्सवमा पाल्नुहुने प्रमुख अतिथि विशेष अतिथि, अतिथि एवं सम्पूर्ण पाहुनाहरुलाई स्वागत गर्दछौ भनेर लेखिएका व्यानरले दैलेख वजार दुलही झै सिगारिएको छ । जिल्लाको प्रतिष्ठा सँग महोत्सब जोडिएको भन्दै जिल्ला बासिहरुलाई महोत्सब सफल बनाउन अहिले भ्याइ–नभ्याइ भएको छ । उद्योगी, व्यापारी, संघ संस्था, सरकारी कार्यालय लगाएतले वजारमा स्वागतका व्यानरहरुले रंगि चंगी वनाएका छन् भने सेवा ग्राहिलाई समेत महोत्सबको निम्ता दिने गरेका छन् ।
‘समृद्ध दैलेखको मुल आधार, उद्यम कृषि, पर्यटन र व्यापर’ भन्ने मुल नाराका साथ आज शुक्रबार देखि महोत्सव संचालन हुन लागेको छ । महोत्सवको उद्घाटन सम्माननीय उपराष्ट्रपती नन्द किशोर पुनले गर्दै छन् । नारायण क्याम्पसमा उद्घाटन भई स्थानीय काँडाचौरमा संचालन हुने महोत्सवको उद्घाटन उपराष्ट्रपति पुनले गर्ने भएका हुन् । दैलेखलाई कृषि पर्यटन र व्यापार क्षेत्रमा अगाडि वढाउन र दैलेखको पर्यटकिय क्षेत्रलाई प्रचार प्रसार गरी पर्यटन क्षेत्रमा दैलेखलाई चिनाउनको लागि महोत्सव संचालन सुरु गरिएको दैलेख उद्योघ वाणिज्य संघले जनाएको छ । महोत्सवको जिल्ला भित्र र अन्य आसपासका जिल्लाहरुमा समेत व्यापक प्रचार भएको आयोजक उद्योग वाणिज्य संघ दैलेखले जनाएको छ । पर्यटन प्रर्वद्धन र स्थानीय उत्पादनको वजारीकरणलाई राष्ट्रिय र अन्तराष्ट्रिय रुपमा प्रचार प्रशार गर्न महोत्सवले थप टेवा पु¥याउने दैलेख उद्योग वाणिज्य संघका अध्यक्ष शान्ति प्रशाद शर्माले बताए । महोत्सवमा करिव ७० लाख खर्च र आम्दानी करिव १ करोड ६ लाख हुने आयोजकले जनाएको छ । महोत्सवका मुख्य आर्कषकहरु स्थानीय उत्पादन र घरेलु निर्माण सामाग्रीहरुको खरिद विक्रि तथा अवलोकन, स्थानीय समाजिक संस्कारमा आधारीत विभिन्न झाँकीहरु प्रदशन र राष्ट्रिय ख्याति प्राप्त कलाकारहरुको वेजोड प्रस्तुतिहरु हुन ।



Leave a comment

Your email address will not be published.


*