सरकारको संविधान संशोधन प्रस्तावमा राप्रपाको पूर्ण समर्थनः राणा

          |   प्रकाशित मितिः सोमवार, मंसिर १३, २०७३     ::: 245 पटक पढिएको   |  

१३ मंसिर, काठमाडौं । सरकारले ल्याउन लागेको संविधान संशोधन प्रस्तावमा आफ्नो पार्टीको पूर्ण समर्थन रहेको राष्ट्रिय प्रजातन्त्र पार्टीका राष्ट्रिय अध्यक्ष पशुपतिशमशेर राणाले बताएका छन् । मधेसको मुद्दा सम्बोधन गर्न संविधान संशोधन अनिवार्य भएको उनले बताए ।

सोमबार रिपोर्टर्स क्लब नेपालले आयोजना गरेको साक्षात्कारमा राप्रपाका राष्ट्रिय अध्यक्ष राणाले संविधान संशोधन प्रस्ताव चाँडै दर्ता हुने विश्वास व्यक्त गरे ।

आफ्नो पार्टीले हिन्दूराष्ट्रबारे जनमत संग्रह गर्नुपर्छ भन्ने माग गरेपनि संशोधनमा यो नपर्ने उनले बताए । ‘अहिले हामी संसदमा थोरै संख्यामा छौं, पास नहुने संशोधन हामी हाल्दैनौं,’ उनले थपे, ‘हिन्दुत्वको लागि हामी जनमतसंग्रहको लागि संघर्ष गरिरहेका छौं, जनमत बनिरहेको छ ।’

राष्ट्रिय अध्यक्ष राणाले राप्रपा नेपालसँगको एकतापछि आफ्नो पार्टीको संख्या वृद्धि भएकाले सरकारमा प्रतिनिधित्व केही फराकिलो हुने दाबी गरे ।

राणाले राप्रपा र राप्रपा नेपालबीचको एकतासँगै राप्रपा अब मुलुकको सशक्त शक्ति हुने समेत दाबी गरे । उनले आउने चुनावसम्म राप्रपाले आफ्नो बर्चस्व कायम गर्ने जिकिर गरे ।

 



Leave a comment

Your email address will not be published.


*