एच.आइ.भि. एड्स बिरुद्धको औषधि तथा एच.आइ.भि.रोग परिक्षण तथा परामर्स दुल्लू आस्पतालमा

          |   प्रकाशित मितिः सोमवार, असार १२, २०७४     ::: 452 पटक पढिएको   |  

निरक शाही
दुल्लू, दैलेख– एच.आइ.भि. एड्स बिरुद्धको औषधि तथा एच.आइ.भि.रोग परिक्षण तथा परामर्स केन्द्रको रुपमा दुल्लू आस्पतालमा हिजो एक कार्यक्रमका विच उद्घाटन भएको छ । दुल्लू नगरपालिकाका नगर प्रमुख घनश्याम भण्डारीले दुल्लू अस्पताल र दुल्लू क्षेत्र भित्र का सवै स्वास्थ्य चौकिहरुलाई सुसम्पन्न र ब्यवस्थित बनाउनको लागि आफु कटिवद्ध भएर लाग्ने प्रतिवद्धता गर्नुभएको छ । उँहाले दुल्लू अस्पताललाई पचास सैयाको बनाउनको लागि पहल भई रहेको बताउदै छिट्टै पचास सैयाको अस्पताल वन्ने बताउनुभयो । उहाले प्रदेश नं. ६ को रुपमा रहेको पञ्चकोशी प्रविधिक तथा दुल्लू प्राविधिक पोलिटेक्निक शिक्षलय सञ्चालन मा ल्याउनको लागि जग्गा खरिद प्रकृया सुरु भएको जानकारी गराउनु भयो । जिल्ला अस्पताल दैलेखको आयोजनामा भएको एच.आइ.भि. एड्स बिरुद्धको औषधि तथा एच.आइ.भि.रोग परिक्षण तथा परामर्स केन्द्रको रुपमा दुल्लू आस्पतालमा उद्घाटन कार्यक्रमा सो विचार राख्नु भएको हो ।
कार्यक्रममा जिल्ला अस्पताल दैलेखका प्रमुख डा. सोभित थापाले एच.आइ.भि. एड्स बिरुद्धको औषधि तथा एच.आइ.भि.रोग परिक्षण सेवा अछाम , कालिकोट , लगएत दैलेख जिल्लाका दुल्लू नगरपालिका , भैरवी गाँपालिका , महावु गाँउपालिका , चामुुण्डाविन्द्राशैनी नगरपालिकाका संक्रमित रोगिहरुले अव देखी दुल्लू अस्पतालबाट सेवा लिन सकिने जानकारी गराउनु भयो । एच.आइ.भि. एड्स बिरुद्धकोऔषधि तथा एच.आइ.भि.रोग परिक्षण सम्वन्धि तालिम दुल्लू अस्पतालका २ जनाले तालिम लगिसकोले ढुक्क भएर उपचार गरान आग्रह गर्नु भयो । उहाले जिल्ला अस्पताल दैलेखमा चार देखी छ मनिाका एच.आइ.भि संक्रमित रोगिहरुले प्रतेक महिनाको ६ र ७ गते परिक्षण गराई रहेको जानकारी दिनु भयो ।
नेपालमा एच.आइ.भि. एड्स बिरुद्धको औषधि सन २००४ मा सुरु भई जिल्ला अस्पताल दैलेखमा २०६६ फागुन बाट सुरु भएको हो । दैलेख जिल्ला भरी २०७ जना एच.आइ.भि. संक्रमित रहेका छन । जिल्ला अस्पताल देलेखबाट १३० जना एच.आइ.भि. संक्रमितहरुले सेवा लिईरहेका छन । अव देखी दुल्लू अस्पतालबाट १६ जनाले एच.आइ.भि. परिक्षण तथा औषधि को सेवा लिने छन । निर्वाचन षेत्र नं. २ का एच.आइ.भि. संक्रमित बिरामीहरुले उपचार गराउन जिल्ला अस्पताल दैलेख वा जिल्ला बाहिर जानु पर्ने वाध्यता हटेको छ । यि सेवाहरु संगै दुल्लू अस्पताल को सेवा विस्तार भएको छ । आज भोली दुल्लू अस्पतालमा विरामीहरुको घुईचो लाग्ने गरेको छ ।
दुल्लू अस्पताल का प्रमुख डा. लाल गुरुुङको अध्यक्ष्तामा भएको कार्यक्रममा प्रमुख जिल्ला अधिकारी प्रकास चन्द्र अधिकारी, जिल्ला प्रहरी कार्यलय दैलेका प्रमुख केदार रजौरे, जिल्ला अस्पताल दैलेखका कलम थापा , धुर्वतारा एफ.एम.का प्रत्रकार लोकेन्द्र पौडेल, रेडियो दुल्लू का निरक शाही को सहभागिता रहेको थियो ।



Leave a comment

Your email address will not be published.


*