नरनाथ लुइटेलकोे अध्यक्षतामा डेढ लाख निर्माण मजदुर आबद्ध क्यूपेक–नेपालको नेतृत्व सर्वसम्मत

काठमाडौ । डेढ लाख निर्माण मजदुर आबद्ध नेपाल बिजुली,पेन्टर, प्लम्बर तथा निर्माण मजदुर यूनियन(क्यूपेक–नेपाल) को छैठौं राष्ट्रिय महाधिबेशनले नरनाथ लुइटेलको अध्यक्षतामा ३१ सदस्यीय केन्द्रिय समिति निर्बिरोध चयन गरेको छ । समितिको उपाध्यक्षहरुमा रामप्रसाद पाण्डे, शान्ता बस्नेत निर्बिरोध चयन भएका छन् ।

यस्तै महासचिवमा गोपाल कार्की, उपमहासचिवमा अम्बिरकुमार लिङदेन र स्मृती लामा, सचिवहरुमा राजेन्द्र विष्ट, दिवाकर पोखरेल र महिला सचिवमा यमकली तङ्नामी मगर चयन भएका छन् । त्यस्तै प्रदेश सचिवहरुमा मुक्तिनाथ गिरी, मानबहादुर विक,योगेन्द्र शर्मा सुतीहार, सोमबहादुर आले,कृष्णप्रसाद ढुंगेल चयन भएका छन् । त्यस्तै सदस्यहरुमा डोमा राई,गणेश लामा,सुदीप राजवंशी,शोभा ढकाल खतिवडा,रामकृष्ण चौधरी, धुपादेवी राई,विक्रमसिंह स्याङतान,कृतिनिधि विष्ट,पुण्यप्रसाद उप्रेती,बलादेवी राई,पदमबहादुर बुढामगर,टोपबहादुर थापा,टिकाराम श्रेष्ठ चयन भएका छन् । अधिबेशनले प्रतिनिधि परिषद प्रमुखमा मनोहरी शिवाकोटी उपप्रमुखमा कृष्ण बरालका साथै सल्लाहकार कमिटी प्रमुखमा तेजबहादुर बस्नेतलाई चयन गरेको छ । सल्लाहकार समितिका सदस्यहरुमा राजु आचार्य,चन्चलाल बोट र रामचन्द्र कार्की चयन भएका छन् ।
नवनिर्वाचित भए लगत्तै क्यूपेक–नेपालका अध्यक्ष नरनाथ लुईटेलले निर्माण क्षेत्र ढुंगा गिट्टी बालुवामा काम गर्ने देखि बिजुली,प्लम्बिङ,पेन्टर, वन लगायत सबै क्षेत्रका समस्या समाधान गराउन आफु दृढ भएर लागिपर्ने बताए । उनले भर्खरै पारित श्रम ऐन र सामाजिक सुरक्षा ऐन अक्षरस पालना गर्न आफ्नो नेतृत्वले समय खर्चने बताए । विगतमा विभिन्न जिल्ला प्रशासन कार्यालयमार्फत राखेका निर्माण मजदुरका मागहरु वार्ताका माध्यमबाट पुरा गर्ने प्रतिबद्धता जनाएका छन् ।
छैठौं राष्ट्रिय महाधिवेशनको उद्घाटन सत्रमा बोल्दै नेपाल ट्रेड यूनियन महासंघ(जिफन्ट) का अध्यक्ष विष्णु रिमालले अबको दशक निर्माणको दशक हुने भन्दै निर्माण मजदुरका क्षेत्रमा पुरा गर्नुपर्ने कार्यलाई प्राथमिकताका छुट्याएर पुरा गर्न सुझाव दिएका थिए ।