शहिद पूर्ण स्मृति कप भलिवल प्रतियोगितामा आठविस नगरपालिका प्रथम

          |   प्रकाशित मितिः बिहिबार, अशोज १२, २०७४     ::: 1083 पटक पढिएको   |  

दैलेख, राज्य पुर्नसंरचना भैसके पछि दैलेखमा पहिलो पटक अन्तर स्थानीय तह स्तरिय जिल्ला व्यापी खुल्ला भलिवल प्रतियोगिता सम्पन्न भएको छ । शहिद पूर्णबहादुर भण्डारीको १५औँ स्मृति दिवशको अवसर पारी शहिद पूर्ण स्मृति प्रतिष्ठान दुल्लु, दैलेखले दुल्लु पटांगीनिमा आयोजना गरेको प्रतियोगितामा आठविसनगरपालिकाको समुह प्रथम भएको छ भने द्धितिय डुंगेश्वर गाउँपालिका समुह भएको छ । नारायण नगरपालिका तृतिय स्थान ल्याउन सफल भयो । सान्तवनामा दुल्लु नगरको समुह आएको छ ।


प्रतियोगितामा जिल्लाका एघार स्थानीय तह मध्य आठ वटाले सहभागिता जनाएका थिए । दशैँ तिहारको पुर्व सन्ध्यामा संचालन भएको यो प्रतियोगितामा खेलाडीहरुले खुशीका साथा खेलमा उत्साहजनक सहभागिता जनाए । खेल समापन समारोह बोल्दै प्रमुख अतिथि दुल्लु नगरपालिकाका प्रमुख घनश्याम भण्डारीले खेलाडीहरुको खेल प्रतिको अभिरुचीलाई वढवा दिन दुल्लुमा कर्वडहल निर्माण गर्ने बताए । खेलकुदलाई मनोरञ्जनका रुपमा मात्र लिने होइन व्यवसायिक पनि बनाउनु पर्छ, जसले खेलाडीको भाग्य र भविष्य खेलकुद क्षेत्रले नै निश्चित गरोस प्रमुख भण्डारीको तर्क थियो । खेलकुदका लागि दैलेखमा राम्रो खेलमैदान छैन, श्रोत साधन र खेल मैदानै छैन भने कसरी खेलाडीहरु उत्पादन हुन्छन् समारोहका विशेष अतिथि खेलकुद विकास समितिका अध्यक्ष दिपक सिजापतीको भनाई थियो । दैलेखका चार स्थान वेस्तडा, दैलेख, दुल्लु र राकमकर्णालीमा सुविधा सम्पन्न खेलमैदान निर्माणका लागि आफु प्रतिवद्ध रहने अध्यक्ष सिजापतिकोभनाइ थियो । शहिद पूर्ण स्मृति प्रतिष्ठानका अध्यक्ष रत्न शाहील यूवाहरुलाई खेल प्रति प्रेरित गर्न खेकुदका पुर्वाधर खडा गर्नु पर्ने बताए । पुर्वाधार र श्रोत साधन विना खेलकर्मी व्यवसायिक वन्दैनन् यसका लागि स्थानीय तहमा खेलकुद क्षेत्रलाई न्यायिक वजेट छुटिनु पर्छ उनले भने ।
उक्त प्रतियोगितामा प्रथम हुने समुहलाई चालिस हजार, द्धितियलाई विस हजार, तृतिय समुहलाई दश हजार र उत्कृष्ट खेलाडीलाई पाँच हजार नगद सहित सिल्ड र प्रमाण पत्र प्रदान गरिएको थियो । तत्कालिन विद्रोहीले २०५९ असोज १२ गते शहिद पूर्णबहादुर भण्डारीलाई हत्या गरेको स्मृति दिवस पारेर आयोजना गरिएको प्रतियोगितामा पहिलो पटक खान र वस्न समेत व्यवस्था भए पछि खेल र खेलाडी प्रतिको सम्मानको सुरुवाती भएको दुल्लु नगरपालिकाका प्रशासकिय अधिकृत शमशेरबहादुर शाहीले बताए । प्रतिष्ठानले यस्ता किसिमका खेलकुद गतिविधि र सामाजिक क्रियाकलाप अगाडी वढाए शहिद पुर्णबहादुर भण्डारीको सामाजिक योगदानको उच्च मुल्यांकन हुने र सवैले शहिद भण्डारीको स्मरण गरिरहने समकक्षी विष्णु प्रसाद उपाध्यायले बताए ।



Leave a comment

Your email address will not be published.


*