माघ १४,काठमाडौँ — एमाले र माओवादीको प्रान्तीय सरकारमा ७० र ३० को अनुपातमा भागबण्ड गरेको छ । आइतवार सिंहदरबारमा बसेको कार्यदलको बैठकले उक्त अनुपातका सरकार गठन गर्ने सहमति गरेको हो ।  कार्यदलका सदस्य सुरेन्द्र पाण्डेका अनुसार प्रान्तीय सरकारको मन्त्रिपरिषदको सदस्य संख्या भने ७ देखि ११ जनाको मात्र हुने। ‘थोरै संख्या भएकोमा ७ र धेरैमा ११ जना नाघ्ने गरी मन्त्रिपरिषद् गठन गर्ने निर्णय भएको हो’ उनले भने। त्यसैगरी प्रदेश नम्बर १, ३, ४ र ५ को मुख्यमन्त्री एमालेको हुनेछ भने ६ र ७ को माओवादीले लिने निर्णय गरेको छ। त्यसैतै प्रदेश १, ३, ६ र ७ को सभामुख एमाले हुने र प्रदेश ४ र ५ को सभामुख माओवादीको हुने पनि सहमति भएको छ।