सामाजिक संजालवाट जनचेतना जगाउँदै थापा ।।

“सज हिड्ने करनाली फाल हाल्ने भेरी, मार्यादित महिनावारी नभुल्नु है फेरी” यो देउडा गितको टुक्का कुनै प्रख्यात एल्बमको होईन । नत यो देउडा गितको टुक्का लेख्ने मान्छे कुनै ख्याति प्राप्त कलाकार नै हुन् । तर गितको टुक्का कुनै चर्चिक एल्बम र कलाकारको भन्दा कम छैन । हो यो देउडा गितको टुक्का लेख्ने मान्छे उनै सामाजिक अभियान्ता सोसेक दैलेखका संस्थापक अध्यक्ष हीरासिंह थापा हुन् ।

छाउ (छुई) भएको समयमा दैलेखको चामुण्डा विन्द्रासैनी नगरपालिकाको जम्वुकाँधमा आज भन्दा ५÷६ महिना अगाडी छाउगोठमा सुतीरहेको अवस्थामा सर्पले डसेर एक किशोरीको मृत्यु भएको थियो । दैलेख जिल्लामा छाउ भएका वेला छाउगोठमा वसेर महिलाको अकालमै मृत्यु नहोस भनेर सामाजिक रुपमै थापा लागीपरेका छन् । थापा दैलेखका दुरदराजका गाउँ वस्तीमा पुगेर छाउपडि पर्था एक जघन्य अपराध भएको र यो रुढिवादी परम्परा हो भन्दै जनचेतना जगाउँदै हिड्ने गरेका छन् ।

लामो समयदेखि वालविवाह, छाउपडि पर्था लगाएका विषयमा सामाजिक अभियान्ता रहेका थापाले गाउँ–गाउँमा जनचेतना जगाउनुका साथै सामाजिक संजाल फेसवुकमा आफुले लेख्ने हरेक स्टाटसमा वालविवाह र छाउपडि शव्द नछुटाई लेख्ने गरेका छन् । यो देउडा गितको टुक्का पनि उनले आफ्नै सामाजिक संजाल फेसवुकमा नै लेखेका हुन् । उनले लेखेको यस स्टाटसमा १ सय २० भन्दा वढि व्यक्तिले मन पराएका छन् भने तिन जना शेयर गर्नुका साथै ३० जना भन्दा वढिले देउडा गितका टुक्का वाट नै प्रतिक्रिया जनाएका छन् ।

वेलावेलामा सामाजिक संजालमा आएका कुराहरुले निकै माहोल तताउने गरेका छन् । देउडा शैलीमा लेखिएको स्टाटसको पनि वजारमा निकै चर्चा हुने गरेको छ । थापाले मात्र हैन अव सम्पुर्ण सचेत नागरिकले आ–आफ्नो क्षेत्रवाट छाउपर्था र वालविवाहको विषयमा मुख खोल्नु पर्ने वेला भएको छ ।