कर्णाली प्रदेश अस्पतालमै मृगौलाको पत्थरी उपचार

          |   प्रकाशित मितिः बुधबार, कार्तिक २६, २०७७     ::: 233 पटक पढिएको   |  

सुर्खेत : मृगौलाको पत्थरीको उपचार अब कर्णाली प्रदेश अस्पताल सुर्खेतमै हुने भएको छ । प्रदेश अस्पतालमा लेजर प्रविधिबाट पत्थरी निकाल्न प्रयोग हुने यन्त्र भित्रिएसँगै यस सम्बन्धी बिरामीले सुलभ र सहज उपचार पाउने भएका छन् । अस्पतालका निर्देशक डा. डम्बर खड्काले उक्त यन्त्र १ करोड २७ लाखमा खरिद गरेको जानकारी दिए । उनका अनुसार होल्मियम लेजर प्रविधिबाट ढुंगालाई धूलो बनाई सिधै पिसाबका माध्यमबाट बाहिर पठाइने छ ।
‘यो सुविधा प्रदेशमै थिएन, हामीले कर्णालीमा भित्र्याएका छौं,’ डा. खड्काले भने, ‘यसले पिसाब नलीबाट रगत बग्ने समस्याको निराकरण हुनुका साथै स्वास्थ्यकर्मीलाई शल्यक्रिया गर्न सहज हुनेछ, हाल लेजर पद्धतिबाट गरिने यूरो सर्जरीको शुरूआत गरेका छौ ।’



Leave a comment

Your email address will not be published.


*