चुनावी घोषणापत्र लेख्न अध्यक्ष ओलीको नेतृत्वमा ८ जनाको कमिटी

सुर्खेत :  नेकपा एमालेले चुनावी घोषणापत्र लेख्न अध्यक्ष केपी शर्मा ओलीको नेतृत्वमा ८ जनाको कमिटी बनाएको छ । बिहीबार बसेको सचिवालय बैठकले अध्यक्ष केपी शर्मा ओलीको अध्यक्षतामा आठ सदस्यीय निर्वाचन घोषणापत्र मस्यौदा कमिटी गठन गरेको हो ।

कमिटीमा वरिष्ठ उपाध्यक्ष ईश्वर पोखरेल, उपाध्यक्षहरू अष्टलक्ष्मी शाक्य, रामबहादुर थापा, विष्णु पौडेल, महासचिव शंकर पोखरेल, उपमहासचिवद्वय प्रदीप ज्ञवाली र विष्णु रिमाल रहेको उपमहासचिव पृथ्वीसुब्बा गुरुङले जानकारी दिए ।

बैठकले पार्टी स्थायी कमिटीको बैठक भदौ ७ गते, पोलिटब्युरो बैठक भदौ ९ गते र केन्द्रीय कमिटी बैठक भदौ १० र ११ गते काठमाडौँमा बस्ने निर्णय पनि गरेको छ ।