आज हल्का वर्षाको सम्भावना
![आज हल्का वर्षाको सम्भावना](https://snowberry.prixacdn.net/media/gallery_folder/Mausam_OK3Ikg3fMY_ha3loe3mdvmmivbkzafqknbos8moikz259ftj3zesldy7kxfc857ojkevb6s_vmIdXE3Qy5_h8rvupmgsivd0dykoizx0fnlsdtbihfh9bdtrjgoaenknwpq8yxhpitukh7g_LQWH83eBbn_p2vewhf5onjikb10qpbihkhjbbdsqfowiwcvfs75solinlryjdl3fbpisgej_RZVTW1ftr8_n9wbsolpjolgkdszpp8xaxurqk51t2cfaoaeciuqrsvxklp5qflcmd1tjzdn.jpg)
काठमाडौँ – हाल देशमा पश्चिमी वायुको साथै भारतको राजस्थान क्षेत्र आसपास रहेको न्यून चापीय प्रणालीको सामान्य प्रभाव रहेको मौसम पूर्वानुमान महाशाखाले जनाएको छ । जसको प्रभावले हाल मधेस, बागमती, गण्डकी, लुम्बिनी प्रदेश लगायत देशका पहाडी भूभागमा आंशिक बदली रही बाँकी भूभागमा मौसम सामान्यतया सफा रहेको छ।
आज दिउँसो कोशी प्रदेश लगायत देशको पहाडी भूभागमा आंशिक बदली रही बाँकी भूभागमा आंशिक बदली देखि मौसम सामान्यतया सफा रहनेछ। गण्डकी, कर्णाली र सुदूरपश्चिम प्रदेशका पहाडी भूभागका एक–दुई स्थानमा हल्का वर्षाको सम्भावना रहेको छ । साथै देशका उच्च पहाडी तथा हिमाली भूभागका एक–दुई स्थानमा हल्का हिमपातको सम्भावना रहेको छ।
आज राति कोशी र मधेस प्रदेश लगायत देशको पहाडी भूभागमा आंशिक बदली रही बाँकी भूभागमा मौसम सामान्यतया सफा रहनेछ। कोशी, गण्डकी र कर्णाली प्रदेशको उच्च पहाडी तथा हिमाली भूभागका एक–दुई स्थानमा हल्का हिमपातको सम्भावना रहेको छ।
प्रतिक्रिया