पहिलो पटक राष्ट्रपतिका उम्मेदवार बाइडेन र ट्रम्पबीच बहस
![पहिलो पटक राष्ट्रपतिका उम्मेदवार बाइडेन र ट्रम्पबीच बहस](https://snowberry.prixacdn.net/media/gallery_folder/biden_trump_debate_T88O4rppJz_RXrWaFrWZ9_respapjo9heehnbhhfacer4svmmnobb0ttfj62pw1ok2qo3s2dbafuup3fas_1xDaw8Vziw_ngdibe0b9fmxtjyuj7d2oyhseev2gtalwqobxnynkhvk2eoj3zpanip6e59m.jpeg)
अमेरिकामा आउँदो नोभेम्बर ५ मा राष्ट्रपतिको चुनावको सन्दर्भमा पहिलो पटक राष्ट्रपतिका उम्मेदवारबीच बहस भएको छ ।
बहसमा वर्तमान राष्ट्रपति तथा डेमोक्र्याट नेता जो बाइडेन र उहाँका रिपब्लिकन प्रतिद्वन्द्वी डोनाल्ड ट्रम्प सहभागी भएका छन् । चार वर्षपछि दुवै नेता एकै कार्यक्रममा सँगै सहभागी भएका सीएनएनले जनाएको छ ।
सीएनएनले आयोजना गरेको टिभी बहसमा अवैध आप्रवासी, गर्भपतन, इजरायल–हमास युद्ध, रुस–युक्रेन युद्ध, रुस र चीन सम्बन्ध, बन्दुकबाट हुने अपराध, कर, महँगी, बेरोजगारी र जलवायु परिवर्तनजस्ता मुद्धामा छलफल भएको छ ।
बहसका क्रममा बाइडेनले ट्रम्पले धेरै विषयमा झुट बोल्ने गरेको आरोप लगाउनुभएको छ । ट्रम्पले भने बाइडेन अमेरिकी इतिहासमा अहिलेसम्मकै असफल राष्ट्रपति भएको दाबी गर्नुभएको छ ।-एजेन्सी
प्रतिक्रिया