लागु औषध दुरुपयोग विरुद्ध प्रभातफेरी

ज्वाला सन्देश, दैलेख असार ६ गते ।
दैलेखमा लागु औषध दुरुपयोग तथा ओसारपसार विरुद्धको अन्तराष्ट्रिय दिवसको अबसरमा प्रभातफेरी गरिएको छ । दैलेख सदरमुकाममा गणेशचोक देखि सुरु भएको प्रभातफेरी कोतगढीमा पुगेर समापन गरिएको थियो । दिवसका अबसरमा सप्ताहव्यापी कार्यक्रम अन्तरगर्त प्रभातफेरी कार्यक्रम गरिएको दैलेखका प्रमुख जिल्ला अधिकारी लक्ष्मीप्रसाद बास्कोटाले बताउनुभयो ।

सामाजिक सेवा केन्द्र (सोसेक) नेपाल दैलेखको सहयोग, गैरसरकारी संस्था महासंघ दैलेख शाखाको समन्वयमा जिल्ला प्रशासन कार्यालय दैलेखद्धारा आयोजित प्रभातफेरीमा जिल्ला स्थित सरकारी तथा गैरसरकारी निकायका प्रमुख प्रतिनीधि, सुरक्षाकर्मी, संचारकर्मी, विद्यार्थी सहभागि थिए । सप्ताहव्यापी कार्यक्रम अन्तरगत विभिन्न चेतनामुलक कार्यक्रम गरिनेछ ।