पुस्तकालय दिवसमा सोसेक नेपालको शुभकामना

दैलेख -   प्रत्येक वर्ष भदौ १५ गते विभिन्न कार्यक्रम आयोजना गरी मनाइने पुस्तकालय दिवस आज देशभर मनाइँदै छ ।  दिवसको अवसरमा सोसेक नेपालले पाठक, विद्यार्थी, शिक्षक, सूचना अभियन्ता र ज्ञानप्रेमीहरूलाई हार्दिक शुभकामना व्यक्त गरेको छ ।

सोसेक नेपालका कार्यकारी निर्देशक हीरासिंह थापाले ज्ञान, सूचना र सिकाइको पहुँच सुनिश्चित गर्न पुस्तकालयहरू आधारशिला भएको उल्लेख गर्दै सबैका लागि समावेशी, पहुँचयोग्य र प्रविधिमैत्री पुस्तकालय सेवाको आवश्यकता रहेको बताए ।

थापाले भने, “हामी पुस्तकालय र ज्ञान केन्द्रहरूको प्रवर्द्धनका लागि सामुदायिक सहभागिता, स्थानीय सरकारको समर्थन र साझा प्रयासमार्फत अगाडि बढ्न प्रतिबद्ध छौं।”

विसं २०६५ देखि सरकारले भदौ १५ गतेलाई पुस्तकालय दिवसका रुपमा मनाउँदै आएको हो । राजा गीर्वाणयुद्ध विक्रम शाहको शासनकालमा विसं १८६९ भदौ १५ गते शुक्रबार पुस्तकालय बनाउनेसम्बन्धी कानुनमा लालमोहर लगाएको स्मृतिमा सरकारले भदौ १५ गतेलाई पुस्तकालय दिवसका रूपमा मनाउने निर्णय गरेको थियो ।