वाल केन्द्रित विपद् ब्यबस्थापन् तालिम सम्पन्न

ज्वाला सन्देश समचारदाता
दैलेख अशोज–४ गते, पातिकान्ला बजारमा दुई दिने वाल केन्द्रित विपद् ब्यबस्थापन तालिम सम्पन्न भएको छ । तालिमा सेरी र खड्कबाडा गाविसका उच्च मावि, मावि, निमावि र प्राथामिक विद्यालय गरि पन्ध्र विद्यालयका प्राचार्य, प्रधानाध्यापक, विद्यालय ब्यबस्थापन समितिका अध्यक्ष, विद्यालय बाल क्लवका अध्यक्ष र शिक्षक, विद्यार्थी अविभावक संघका अध्यक्षहरुको सहभागिता रहेको थियो ।

तालिममा विद्यालयमा विपत् पर्दा , के कसरी उद्धदार गर्ने ? विपद् पूर्व र विपद् पश्चात के कस्ता सावधानी अपनाउने, बालबालिका कस्तो कस्तो जोखिमा हून्छन्, नेपाल सरकारको विपद् ब्यबस्थापन सम्बन्धि नीति नियम र संरचना सम्बन्धि प्रशिक्षण दिईएको थियो ।
सेरी र खड्कबाडा गाविसको छुट्टा छुट्टै हलमा विद्यालय विपद् ब्यबस्थापन तालिम सञ्चालन गरिएको थियो । सनताउन्न जना सहभागि रहेका तालिमको सहजीकरण सीताकुमारी राना, भुपेन्द्र वहादुर शाही, खगेन्द्र वहादुर शाही र डिल्ली खनालले गरेका थिए । विद्यालयलाई भयरहित वनाउन यो तालिमको आयोजना गरिएको सामाजिक सेवा केन्द्र (सोसेक) की सामाजिक परिचालक ज्योति शर्माले वताउनु भयो । यस प्रकारको तालिम दैलेखकै लालिकाँडा र पिलाडि गाविसमा पनि सम्पन्न भएको सामाजिक सेवा केन्द्र दैलेखका कार्यकारी निर्देशक डम्वर वहादुर कार्कीले जानकारी दिए ।
सेभ द चिल्ड्रेन नेपाल र सामाजिक सेवा केन्द्र (सोसेक) दैलेखको साझेदारी संचालित एकिकृत परियोजनाद्धारा वाल केन्द्रित विपद् व्यवस्थापन तालिम संचालन गरिएको हो ।