दैलेखकी चेली गायीका कल्पना थापा मुम्वईमा तिहार विशेष कार्यक्रमहरुमा ब्यस्त

ज्वाला सन्देश सम्वाददाता
मुम्मई – दैलेखी आईडल उछिन्दै गायन यात्रामा छिरेकी कल्पना थापालाई अहिले मुम्वईमा हुने कार्यक्रममा आफ्नो प्रस्तुती दिन भ्याईनभ्याई छ । नेपालभरका नयाँ प्रतिभावन गायक÷गायिकाहरुविच प्रतिस्पर्धा गरी गोल्डेन आईडल कल्पना आफ्नो क्यारियर बनाउन मुम्वई छिरेकी हुन् । उनी मुम्वई छिरेयता त्यहाँ हुने कार्यक्रमहरुमा धमाकादार प्रस्तुती दिईरहेकी छिन् ।

कल्पनाको मिठो स्वरकै जादुले अहिले जितदेखी तिहारसम्म हुने विशेष कार्यक्रमहरुमा नेपालका चर्चित कलाकारसंगै मुम्वईमा आफ्नो प्रस्तुती दिईरहेकी हुन् । उनले अहिलेसम्म २० भन्दा बढी स्टेज कार्यक्रमहरुमा स्वरको जादु चलाईसकेकी छिन् । उनको गितले निकै प्रशंसा पनि पाएको छ । त्यहा हुने कार्यक्रमहरुमा सहभागी हुनुका साथै संगित सिक्दै पनि छिन् । इन्डियल आईडलको तयारीमा पनि ब्यस्त छिन् । निरन्तर संगित सिकिरहेकी कल्पना स्टेज कार्यक्रममा ब्यस्त हुने गरेकी हुन् । भविष्यमा सफल र राम्रो गायिका बन्ने सोचका साथ मुम्वई छिरेको कल्पना बताउँछिन् ।
मुम्वईमा आयोजना भएको तिज गित कार्यक्रमदेखी दंशै हुँदै तिहार विशेष कार्यक्रमहरुमा गाउनको लागि मागहरु बढी आएपछि आफ्नो प्रस्तुती देखाएकी थिईन् । आफुले स्टेज कार्यक्रमहरुमा देखाएको प्रस्तुतीहरुले दर्शकहरु सन्तुष्टी भएको कल्पना बताउँछिन् । उनलाई तिहारकोे अवसरमा हुने विभिन्न कार्यक्रम सहभागी हुन भ्याईनभ्याई छ अहिले मुम्वईमा । समय अनुसार नयाँ गित गाउने सोच रहेके उनको भनाई छ ।
उनलाई नयाँ गित रेर्कडको लागि थुप्रै अफरहरु आउने भएपनि हिट हुने खालका गितहरु हेरेर मात्र गाउने सोच रहेको बताउँछिन् । गित गाउनका लागि अफरहरु आएपनि इन्डियन आईडलको तयारीका लागि नभ्याएको कल्पनाले बताईन् । अहिले आफुले हिन्दी गितहरु गाउने अभ्यास गरिरहेको कल्पनाको भनाई छ । मुम्वई लगायत स्थनहरुमा प्रवासी नेपालीहरुको संघसंस्थाहरुले थुप्रै कार्यक्रमहरुको आयोजना गर्ने गरेका छन् ।