विद्यालयमा लैङ्गिक समानता तथा सामाजिक समावेशि मैत्री हुन जरुली – नेपाली

ज्वाला सन्देश सम्वाददाता
दैलेख कार्तिक २, विद्यालयलाई लैंङ्गिक समानता तथा सामाजिक समावेशी मैत्री वनाउनु जरुरी भएकोछ । आज विद्यालयका जेसी फोकल शिक्षकहरुका लागि लैङ्गिक समानता र सामाजिक समावेशिकरण तालिमको समापन समारोहमा प्रमुख अतिथी निमित स्थानीय विकास अधिकारी वालाराम नेपालीले सो कुरा वताउनु भयो । साथै उहाँले थप्नु भयो “वालवालिका भविष्यका कर्णधार हुन उनिहरुको सार्वोतम हित नै हामी सवैको हित हो त्यसैले पछाडी पारिएका वालवालिकालाई विद्यालयमा ल्याउने र टिकाउनु नै आजको आवस्यकता भएकोले सम्र्पुणको ध्यान यस तर्फ जानु पर्ने देखिन्छ ।”

विद्यालयमा लैङ्गिकता र सामाजिक समावेशिकरण मैत्री वनाउन र वालवालिकाका कुरा सुन्ने प्रणालीको विकास गरि सिकाई उपलब्धी वढाउने उद्देस्यका साथ विद्यालयका शिक्षकहरुका लागि लैङ्गिकता र सामाजिक समावेशिकरण तालिमको आयोजना गरिएको थियो । तालिममा सामाजिक सेवा केन्द्र (सोसेक) नेपाल र सेभ द चिल्ड्रेन संगको साझेदारीतामा संचालित एकिकृत परियोजना लागु भएका १० वटा गाविस राकम कर्णाली, सिगौडी, जम्वुकाँध, चामुण्डा, विशाला, पिलाडी, लालिकाँडा, सेरी, खड्गवाडा र साविक पादुका गाविसका १९ जना शिक्षक शिक्षीकाको सहभागिता रहेको थियो । ३ दिने लैङ्गिकता र सामाजिक समावेशिकरण तालीम बाँकेको नेपालगंजमा ३० देखि शुरु भई मंसिर २ सम्म संचालन गरिएको थियो ।
कार्यक्रममा वोल्दै सहभागि भुमिसरा ताम्राकारले हालसम्म जेसीका कुरा अन्य निकायमा मात्र गरिन्थ्यो, विद्यालय क्षेत्र छुटेको थियो अव विद्यालय क्षेत्रमा पनि यसलाई अगाल्न यो तालिम कोशेढुंगा सावित हुनेछ । त्यसै गरि सहभागि मध्येवाट वोल्दै खगेन्द्र विसीले यो तालिमलाई व्यवहारमा उर्तान हामी सवै सहभागि लाग्नु पर्ने प्रतिवद्धता व्यक्त गर्नु भयो । कार्यक्रममा वोल्दै सेभ द चिल्ड्ेनका जिल्ला कार्यक्रम संयोजक आत्माराम भट्टराईले राज्यको निति र ऐन नियममा व्यवस्था भए अनुरुपमा विद्यालयका संरचनालाई प्रभावकारी वनाई सिकाई उपलब्धी वढाउनु पर्नेमा जोड दिनु भयो । कार्यक्रमलाई समापन गर्दै सामाजिक सेवा केन्द्र (सोसेक) दैलेखका संस्थापक अध्यक्ष हीरासिंह थापाले भन्नु भयो “लैगिकता र सामाजिक समावेशिकरण सम्वन्धि शिक्षकहरुको क्षमता अभिबृद्धि गरि बिद्यालयहरुमा यो सोचाईलाई प्रभावकारी कार्यान्वयन गरि लैङ्गिकता र सामाजिक समावेशिकरण मैत्री बातावरण सृजना गर्ने हो ।” उहाँले थप्नु भयो “अव विद्यालय व्यवस्थापन समिति, शिक्षक अभिभावक संघ र शिक्षकहरुलाई विद्यालय स्तरमा यो तालिम संचालन गरि वालवालिकाको गुनासो सुनुवाई संयन्त्रलाई प्रभावकारी वनाउनु पर्नेछ ।” लैङ्गिकता र सामाजिक समावेशिकरण तालिमको सहजीकरण सेभ द चिल्ड्ेनका कार्यक्रम अधिकृत विनु श्रेष्ठ, सोसेकका जेसी सम्पर्क व्यक्ति दुर्गा गिरी र श्रोत व्यक्ति देव कुमार विसीले गर्नु भएको थियो ।