दैलेखमा अढाई लाखलाई हात्ती पाइले औषधि खुवाइने

 जिल्ला स्वास्थ्य कार्यालय दैलेखले यो वर्ष करिब अढाई लाख जिल्लाबासीलाई हात्ती पाइले बिरुद्धको औषधि खुवाउने योजना बनाएको छ । दैलेख सदरमुकाममा आज आयोजित सरोकारवालाहरुको जनचेतना कार्यक्रममा कार्यालय प्रमुख डा. निर्मल रसाइलीले सो जानकारी गराउनु भएको हो ।
फागुन २९, ३० र चैत १ गते गरी ३ सम्म २ वर्ष माथिका सबैलाई डीईसी र अल्वेण्डाजोल नामको औषधि खुवाइने तयारी पूरा भएको जानकारी दिइएको छ । गत वर्ष २ लाख ४० हजार भन्दा बढीलाई हात्ती बिरुद्धको औषधि खुवाइएको कार्यक्रम प्रमुख कलम थापाले
जानकारी दिनुभयो ।