श्रीमानले आगो लगाई दिए पछि श्रीमति गम्भिर घाईते

ज्वाला सन्देश सम्वाददाता
दैलेख, वैशाख १५ गते, श्रीमानले शरिरमा आगो लगाई दिए पछि श्रीमति गम्भिर घाईते भएकी छन् । नारायण नगरपालिका वडा नं. १ कुईकानाका राजु नेपालीले आफ्नी २२ वर्षिया श्रीमति अनिषा नेपालीलाई शरिरमा मट्टितेल खनाएर आगो लगाएका थिए ।घरमा रोईकराई गरेको सुनेपछि छिमेकीले उद्धार गरि घाईतेलाई जिल्ला अस्पताल दैलेखमा लगिएको थियो । जिल्ला अस्पताल दैलेखमा उपचार हुन नसक्ने भएपछि निजलाई भेरी अंचल अस्पताल नेपालगंजमा रिफर गरिएको डा. निर्मल रसाईलीले वताए । आगो लगाउने श्रीमान राजु नेपालीलाई प्रहरी नियन्त्रणमा लिईसकेको प्रहरी नायव उपरिक्षक वीर वहादुर वलीले जानकारी दिएकाछन् ।
उपचार खर्च नभई अलपत्र परेका अनिषा नेपालीलाई जिल्ला अस्पताल दैलेखले रु. चार हजार र सामाजिक सेवा केन्द्र (सोसेक) दैलेखले रु दश हजार सहयोग गरेपछि निजलाई नेपालगंज पुर्याउन सहयोग पुगेको जगत कोईरालाले ज्वाला सन्देशलाई वताउनु भयो । जंगा जमिन नभई जंगलमा वसीरहेका अति गरिव अनिषालाई उपचार गर्न समस्या रहेको कोईरालाले वताउनु भयो ।