दैलेखमा धान दिवश होम स्टे संचालन गाउँमा

          |   प्रकाशित मितिः बुधबार, असार १५, २०७३     ::: 348 पटक पढिएको   |  

दैलेख, खागितडा असार १५ लाई धान दिवशको रूप दिएर दैलेख जिल्ला कृषि विकास कार्यालयले मनाउन थालेको यो ६ औं वर्ष हो । यसपटकका लागि स्थान तोकियो कालभैरवको खागितडा । यस वर्ष धान दिवश मनाएको खागितडा दैलेखको पहिलो होम स्टे संचालन भएको गाउँ हो । दैलेख सुर्खेत मोटर वाटोको चुप्रा वजारबाट पश्चिममा पर्ने यो क्षेत्रमा बुधबार दैलेख वजारका विभिन्न कार्यालय र संघ संस्थाका प्रमुख प्रतिनिधि सहित र्यालीमा सहभागी हुँदै हिलोमा पसे । एकातिर औपचारिक कार्यक्रम चल्दै थियो । हिलो खेल्न नचाहनेका लागि बलजफ्ती गर्न नपाइने नियमका कारण यसपटकको रोपाइँ महोत्सव अनुशासित देखिएको थियो । हिलो नखेल्नेले बाहिर बसेर खेल्नेलाई हेर्दै मजा मानेका थिए । आयोजक जिल्ला कृषि विकास कार्यालय दैलेख आयोजनामा भएको यस कार्यक्रम स्थानिय विकास अधिकारी हरि प्याकुरेल दैलेख जिल्लाले कृषि, वन र पर्यटनको विकासमा धेरै सम्भावना बोकेकाले सरकारले विशेष बजेट दिएर सघाउन जरुरी रहेको बताए । उनले भने ‘दैलेख जिल्ला ६ नम्बर प्रदेशले कृषि, वन र पर्यटनमा बोकेका सम्भावनालाई सरकारले सघाउने हो भने सातवटै प्रदेशमध्येको समृद्धमा उदाहरण हुन सक्छ । सरकार व्यापारी र नाफा खाने नियतको हुनु भएन ।’ गत वर्षको रोपाइँ महोत्सव तोलीमा गरिएको थियो । यसपटक फरक क्षेत्र छनोट गरिएको थियो भने यो क्षेत्र दैलेखको पहिलो होम स्टे संचालन भएको क्षेत्र हो ।



Leave a comment

Your email address will not be published.


*