निजामति सेवा दिवसको अवसरमा बृक्षारोपण तथा सरसफाई कार्यक्रम

निजामती सेवा दिवसको अवसर पारेर दैलेखमा नगर सरसफाई तथा बृक्षारोपण कार्यक्रम गरिएको छ । दिवसको अवसरमा अघिल्लो दिन आज नेपाली सेना र प्रहरीका साथ सरकारी कर्मचारीहरुको सहभागितामा भएको नगर सफाई कार्यक्रम गणेशचोकबाट आरम्भ भई भगवतीटोल पुगेर सम्पन्न भएको थियो ।

प्रमुख जिल्ला अधिकारी लुकबहादुर क्षेत्री, प्रहरी नायव उपरीक्षक केदार रजौरे, सरकारी कर्मचारीहरुको सहभागिता रहेको नगर सरसफाईपछि जिल्ला प्रशासनका कार्यालय दैलेखको हातामा टिमुर, रुद्राक्ष, रीठा, लगायतका २८ वटा बिरुवा रोपिएको थियो ।
निजामती कर्मचारीले राष्ट्रसेवामा पु¥याएको योगदानको कदर गर्दै जिम्मेवार बन्न प्रोत्साहित गर्न विक्रम सम्वत २०६१ सालदेखि नेपालमा निजामती सेवा दिवस मनाउन थालिएको हो । यो वर्ष ‘सेवामैत्री र जवाफदेही प्रशासन, संघीयतामा सुशासन’ नारा सहित भोलि बुधवार देशभर औपचारिक रुपमा दिवस मनाइन्छ ।
निजामती सेवा दिवस जिल्ला समितिका अध्यक्ष प्रमुख जिल्ला अधिकारी लुकबहादुर क्षेत्रीले बुधवार विहान गणेशचोकबाट ¥याली प्रारम्भ भई नगर परिक्रमा र जिविस सभाहलमा औपचारिक कार्यक्रम तय भएको जानकारी दिनुभयो ।