आमा समूह र क्लबलाई सामाग्री वितरण

दैलेख, असोज १८ । आमा समूह, यूवा क्लब, बाल क्लब र वालविकास केन्द्रलाई सामजिक सेवा केन्द्र दैलेखले नगद रुपैयाँ, सरल थोपा ड्रम, पोली हाउस र शैक्षिक सामाग्री वितरण गरेको छ । महिला, युवा तथा वालअधिकार प्रवद्र्धन कार्यक्रम लागु भएको भैरी कालिकाथूम गाविसका सेवाग्राहीलाई सोसेकले ती सामाग्री वितरण गरेको हो ।

६ वटा आमा समूहलाई १५ हजारका दरले ९० हजार रुपैयाँ वितरण गरिएको सोसेकी कमला भण्डारीले जानकारी दिइन् । उनका अनुसार एक जनालाई पोली हाउस दिइएको छ भने ३ जनालाई सरल थोपा सिँचाई ड्रम वितरण गरिएको छ । पोली हाउस ६ हजार रुपैयाँ बराबरको हो भने सरल थोपा ड्रम २ हजार ९ सय रुपैयाँ बराबरको हो । यस्तै कालिका वालविकास केन्द्रलाई कार्पेट, प्रिफर्म र शैक्षिक सामाग्री वितरण गरिएको भण्डारीले जानकारी दिइन् । सो सामाग्री १३ हजार ३० रुपैयाँ बराबरको हो ।
नगद बिउ पूजिका लागि वितरण गरिएको सोसेकले जनाएको छ । महिला, युवा तथा वालअधिकार प्रवद्र्धनका लागि यी सामाग्रीले सहयोग गर्ने अपेक्षा गरिएको छ । बिउ पूजिबाा महिलाहरुको आर्थिक सशक्तीकरण हुने विस्वास गरिएको छ भने पोली हाउस तथा सरल थोपा सिँचाई ड्रमले तरकारी खेति गरी उनीहरुको आर्थिक अवस्थामा सुधार ल्याउने भण्डारीले बताइन् ।