दैलेखमा ४० प्रतिशत भन्दा वढि योजना सम्पन्न

महेन्द्र सापकोटा दैलेख २८ चैत्र–दैलेखमा चालु आर्थिक वर्षमा संचालित जिल्ला समन्वय समिति अन्तरगतका ४० प्रतिशत भन्दा वढि योजनाहरु सम्पन्न भएका छन् । अनुगमनको क्रममा जिसस मार्फत संचालन गरिएका जिल्लाका केहि योजनाहरु सम्पन्न भएपनि अधिकांस योजनाहरुको काम शुरु गरिएको पाइएको छ ।

जिल्ला समन्वय समिति दैलेखका अनुसार जिल्लामा ९८ प्रतिशत योजनाहरुको सम्झौता भएर काम शुरु गरिएको भएपनि दुई चार वटा योजनाहरु मात्र सम्झौता हुन वाकि रहेका छन् । जिसस मार्फत सञ्चालन गरिएका ३ सय ४५ योजना मध्ये केहि ठाउँका योजनाहरु सम्पन्न भइसकेको छ भने अन्य योजनाहरुको काम धमाधम भएका छन् । जिल्ला समन्वय समिति दैलेख मार्फत ग्रामिाण भेगमा सिचाई, खानेपानी, विद्यालय, सडक र वालविकास केन्द्र लगायत योजनाहरु संचालन गरेको छ ।
जिविसका कर्मचारी प्राविधिकले मात्र अनुगमन गरेर प्रभावकारी नहुँने भएकाले सर्वपक्षिय टोली बनाएर जिल्लाभर एकै साथ अनुगमन गरिएको जिसस दैलेखका स्थानीय विकास अधिकारी डिलाराम पन्थीले बताए । ‘सम्झौता अनुसार काम भएकि भएनन् र सम्झौता भएका योजनाहरुको फरफारक गर्न सजिलो हुने भएकाले योजना स्थलमा पुगी अनुगमन गरिएको हो’ स्थानीय विकास अधिकारी पन्थीले भने, ‘अनुगमन टोलीले कामको मूल्याकन गरी सिफारिस गरेपछि मात्र भुक्तानी दिईने छ ।’ काम नसकिदै विल मिलाएर खाने परिपाटीको अन्त्यका लागि अनुगमनले टेवा दिने उनको भनाई छ । आठबीस नगरपालिकाकामा संचालित योजनाहरुको अनुगमनको क्रममा जिल्ला समन्वय समिति दैलेखका इन्जिनियर हीरासिंह थापाले सम्झौता अनुसार काम गर्न उपभोक्ताहरुलाई सुझाव दिएका छन् । यदि सम्झौता अनुसार काम नभए योजनाहरुको भुक्तानी दिन नसकिने चेतावनी दिए । अनुगमनमा नेपाली काँगे्रस दैलेखकी प्रतिनिधि सिताकुमारी रानाले योजनाहरुको पैसा कतै कहिवाट चुहावट हुन नदिई गुणस्तरीकाय काम गर्न उपभोक्ता समितिहरुलाई आग्रह गरेकी छन् । राप्रपा दैलेखका प्रतिनिधि गंगाराम वस्नेतले आफ्ना वस्तीहरुको विकासलाई प्रभावकारी रुपमा काम गर्न सुझाव दिए ।