शुसासन र भष्ट्रचार न्युनिकरण नगर निमार्णमा जोड

          |   प्रकाशित मितिः आइतवार, साउन १, २०७४     ::: 408 पटक पढिएको   |  

दुर्गा वि.सी
सल्यान, बन्गाड कुपिण्डे नगरपालीकाको प्रथम नगर सभालाई सम्बोधन गर्ने कुरामा नगर प्रमुख गोविन्द कुमार पुनले नमुना नगरको परिकल्पना निमार्ण गर्न जननिर्वाचित पदाधिकारीलाई निर्देश गर्नु भएको छ । १२ करोड ५० लाख बराबरको विकास तर्फ विनियोजन भएको रकमको सहि सद्पयोग गर्न समेत अपिल गर्नु भएको छ ।

Image may contain: one or more people

  विनियोेजित रकमबाट प्रत्यक्ष नारिकको दिगो जिवन यापनमा सक्दो मलम पट्टी लगाउन यो सफल हुने गराउने कुरामा अफु कति पनि विचलीत नहुने वताउनु भयो । कुशल प्रशासन,सुसान र भष्ट्रचार मुक्त नगर वनाउनमा सवै जनप्रतिनिधी,राजनीतीक दलहरुलाई सहयोगको अपेक्षा समेत मागिएको छ ।

विगतमा यस नगरका साविक गाविस कार्यलहरुमा समिति कर्मचारीहरुले आन्तरीक राजश्व,समाजिक सुरक्षा भत्ता लगाएतका कुरामा चरम अनियमितता भएको र त्यस्को तत्तकाल सुधाार नभए छानविन गरि कार्वाहि प्रक्रिया अगाडि वढाने ठोकुवा समेत गर्नु भएको छ । नगर सभाको उद्घाटन सत्रमा करिव २ घण्टा लामो मन्तव्यका क्रममा पुनले ती वडाहरुमा आर्थिक हिनामिना,जनताको सेवामा कन्जुस्याई गर्ने व्यक्तिको नाम र वडा नखुलाए पनि आफुसँग त्यो प्रमाण आई सकेकोले छिटो भन्दा छिटो हिनामिना रकम फच्र्यौट र सरकारी खातामा जम्मा नभए ती कर्मचारीलाई तत्तकालै ढिला नगरि कार्वाहि गरिने वताउनु भयो । साथै विनियोजित विकासे रकममा पनि जन प्रतिनिधीमा लोभ पाप जाग्ने उदेश्य अनुसार रकम बाँडिएको फेला परेमा आफ्नो तर्फबाट जुनसुकै मुल्य पनि चुकाउन पछि नपर्ने जनाएको छ ।

बन्गाड कुपिण्डेका स्थानीय निकाय,सरकारी कार्यलयहरुमा काम गर्ने कर्मचारीहरुलाई समेत नागरिकको सेवा प्रति र आफ्नो कामको जवाफ देहिता हुन अनुरोध गरिएको छ । कुनै पनि निकायमा गल्त प्रवृति देखा परेमा त्यसको पनि निराकरण गर्ने जनाएको छ । नगर प्रमुख पुनले चुष्त र पार्दषि विकास गर्नमा सवै पक्षसँग हातेमालो गर्नु नै यो नगरको पहिलो उदेश्य रहेको जनाउनु भयो । आव.२०७४।०७५ को विनीयोजित रकम १२ करोड ५० लाख बराबरको पैसा सत प्रतिशत काम भएको हुन पर्ने त्यसको निगरानी नगरमा एउटा समिति निमार्ण गरि लेखा जोख गर्ने समेत जनाएको छ । साथै बन्गाड कुपिण्डे नगरमा उप प्रमुख मञ्जु यरीको संयोजकत्वमा ३ सदस्य न्यायपालीका समेत गठन भएको छ । सदस्यमा मोमत रोका र शान्त कुमारी यरी रहेको जनाएको छ ।

Image may contain: 2 people


Leave a comment

Your email address will not be published.


*