“बालमैत्री शासनः बाल अधिकारको सम्मान” भन्ने नाराका साथ अन्तरराष्ट्रिय बाल दिवस सम्पन्न

दैलेख, “बालमैत्री शासनः बाल अधिकारको सम्मान” भन्ने नाराका साथ दैलेख जिल्लामा अन्तरराष्ट्रिय बाल दिवस सम्पन्न भएको छ । श्री मालिका मा.वि. वांसी दैलेखको समन्वयमा सुन्दर बाल संजाल वांसी दैलेखको आयोजनामा बाल विवाह न्यूनीकरण सम्वन्धी सरोकारवाला निकाय विचमा अन्तरक्रिया कार्यक्रम संचालन गरिएको छ । संजालका अधयक्ष श्री मनिसा विष्टको अध्यक्ष्तामा र महावु गा.पा ३ वांसी का वडाअध्यक्ष श्री हीरासिंह वडुवालको प्रमुख आथीत्यतामा कार्यक्रम संचालन गरिएको थियो । निर्वाचीत प्रतीनिधी, शिक्षक, बालबालिका, वुद्धीजीवीहरुको सहभागीमा कार्यक्रम संचालन गरिएको थियो । बालविवाह हुने कारण र त्यसको असर बारेमा छलफल गरि अभिभावकले सामाजिक तथा पारीवारिक रुपमा बालबालिकालाई सहज वातावरण वनाउनुपर्ने कुराको निश्कर्ष निकालिएको थियो ।
ज्वाला वाल संजाल वडाखोलाको आयोजनामा र श्री जगदिस मा. वि वडाखोला दैलेखको र्याली सहित बाल खेलकुद कार्यक्रम र बाल विवाह सम्वन्धी अन्तरक्रिया कार्यक्रम संचालन गरिएको थियो । कार्यक्रममा संजालका सदस्य श्री कमल खत्रीको अध्यक्षतामा र महावु गा पा का अध्यक्ष श्री जंग बहादुर शाही, वार्ड अध्यक्ष श्री रामकृष्ण गुरुङ्ग, व्यवस्थापन समितिका अध्यक्ष श्री दल वहादुर गुरुङ्ग, प्र अ श्री भगीरथ शर्मा, समाजसेवी, बालबालिका, सामाजिक परिचालकको सहभागीता रहेको थियो ।
लालीगँरास बाल संजाल भैरवी गा.पा. ४ र ५ भैरीकालिकाथुम मा संजालका अध्यक्ष श्री गणेश रिजालका अध्यक्षतामा, श्री हिमालय मा.वि. डाँडीमाडी दैलेखका प्र अ श्री विशाखर रिजालको प्रमुख आतीथ्यतामा र भैरवी गा.पा का कार्यकारी अधिकृत श्री भक्ती वन सन्यासी, शिक्षक, महिला तथा बालबालिका शाखा कार्यालय दैलेखको प्रमुख, समाजसेवी, वुद्धीजीवी र बालबालिकाको उपस्थितीमा बाल विवाह र स्वस्थ महिनावारी र बाल अधिकार सम्वन्धी विषयमा अन्र्तक्रिया गरिएको थियो, जसमा बाल विवाहको कारणले गर्दा समाजको दिगो विकास गर्न नसकिरहेको कुराहरु आएका थिए ।
महावु, भैरवी गापामा संचालन भएको कार्यक्रम ए इ आई एन लक्जेम्वर्ग÷टी डी एच जर्मनी नेपालको सहयोगमा सामाजिक सेवा केन्द्र (सोसेक) नेपाल, दैलेखद्धारा संचालित महिला, युवा तथा वाल अधिकार प्रवद्धन कार्यक्रमको सहयोगमा संचालन गरिएको थियो ।
श्री सरस्वती मा .वि. दैलेखको समन्वय र सामाजिक सेवा केन्द्र (सोसेक) नेपाल, दैलेखको आयोजनामा सरस्वती मा.वि.मा रहेका ६० जना बालबालिकाहरुसंग बाल विवाह न्यूनीकरण सम्वन्धी विषयवस्तुमा रहि अन्तरक्रिया गरिएको थियो ।
सामाजिक सेवा केन्द्र (सोसेक) नेपाल, दैलेखका कर्मचारीहरुले कार्यक्रमको सहजीकरण गरेका थिए कार्यक्रममा बाल विवाह न्यूनीकरण गर्ने उद्देश्यले अन्तरराष्ट्रिय बाल दिवसको अवसर पारी कार्यक्रम संचालन गरिएको थियो । बाल विवाह हुने कारणहरुकमा अशिक्षा, सामाजिक संस्कार, देखासीकी, चेतनामा कमी जस्तचा कारणले हुने गरेको र त्यसबाट परेको असरमा गरिवीमा वृद्दि, मानव वेचविखन, विदेश जानुपर्ने वाध्यता, सम्वन्ध विच्छेद, वहुविवाह, शिक्षामा असर र प्रजनन स्वास्थ्यमा असर पर्ने भएकोले बाल विवाह न्यूनीकरणको लागि बालबालिका, विद्यालय, घरपरिवार, अभिभावक लगायत स्थानिय स्तरबाट न्यनीकरणको लागि पहल गर्ने बारेमा सरोकारवाला निकायहरुले कार्ययोजना वनाइ जानुपर्ने र आफुले सहयोग गर्नुपर्ने स्थानमा सहयोग गर्न सधै तत्पर रहेको कुरा औलाउनु भएको थियो ।