दुल्लु अस्पताललाई सुद्धिढीकरण गर्न छलफल

          |   प्रकाशित मितिः शुक्रबार, भदौ २२, २०७५     ::: 257 पटक पढिएको   |  

हिक्मत बहादुर नेपाली
दुल्लु, दैलेख
स्वास्थ्यकर्मी अभाव, औषधी अभाव, खानेपानीको अभाव लगाएतका थुप्रै समस्याहरु झेल्दै आएको दुल्लु अस्पतालको व्यवस्थापनमा सुद्धिढीकरण गरिने भएको छ । दुल्लू नगरपालिकामा रहेको एक मात्र अस्पताल दुल्लू अस्पतालको व्यवस्थापन सुद्धिढीकरणका लागि सरोकारवालाहरुसंग छलफल समेत गरिएको छ । कर्णाली प्रदेशको सामाजिक विकास मन्त्रालय, प्रदेश स्वास्थ्य विभाग र दुल्लू अस्पतालको आयोजनामा अस्पतालको वर्तमान अवस्था र सेवा प्रभावकारी बनाउने विषयमा छलफल गरिएको थियो ।
कार्यक्रममा निक साईमन इन्च्यिुटले १५ शैया भन्दा माथिका अस्पतालमा गरेको सहयोगको बारेमा निक साईमन इन्च्यिुटका प्रतिनिधी जर्नाधन पाठकले जानकारी गराउनुभएको थियो । उहाँका अनुसार अस्पताल सुद्धिढीकरणको लागि ३ सय ५० पुणाङ्कमा मुल्याङ्कन गर्ने गरिएको छ । जसमा दुल्लू अस्पतालले ६५ प्रतिशत अंक प्राप्त गरेको इन्च्यिुटका प्रतिनिधी पाठकले जानकारी दिनुभयो ।

अस्पताललाई अस्पताल जस्तो बनाउनको लागि न्युनतम मापदण्ड मापन गरेको थियो । जसमा ११ भागमा अस्पतालमा भएको कर्मचारीको विवरण र १५ भागमा अस्पतालमा भएको समाग्रीहरुको विवरणलाई आधार मानेर मुल्याङ्कन गर्ने गरेको छ । अस्पताल सुद्धिढीकरणको लागि दुल्लू अस्पताललाई हरेक बर्ष रु ५ लाख सहयोग गर्दै आएको इन्च्यिुटका पाठकले जानकारी दिनुभयो ।कार्यक्रममा कणाली प्रदेश स्वास्थ्य विभाग सुर्खेतका प्रमुख गोकर्ण गिरीले अस्पताललाई व्यवस्थित र सुन्दुर बनाउनको लागि गुरु योजना बनाएर अघि बढ्न आाग्रह गर्नुभयो । उहाँले दुल्लू अस्पतालमा नियमित डाक्टर बस्ने वातावरण मिलाउन आग्रह गर्नुभयो ।

ओपीडी र इमेरजेन्सी नजिकै शौचालयको व्यवस्थापन, बिरामी मैत्री भवनको संरचना, शुद्ध खानेपानीको, आवश्यक स्वास्थ्यकर्मीको र सुरक्षाको व्यवस्थापन गर्न आग्रह गर्नुभयो । कार्यक्रममा अस्पताल व्यवस्थापन समितिका निवर्तमान अध्यक्ष मातृका प्रसाद रिजालले प्रदेश सरकारले निति नवनाउँदा काम गर्न अफ्टेरो भइरहेको गुनासो गर्नु भयो । कार्यक्रममा दुल्लू नगरपालिकाका कार्यवाहक नगरप्रमुख लाल बहादुर रावतले निक साईमन इन्च्यिुटले निर्धारण गरेको मापदण्ड अर्को ६ महिनामा पुरा गर्नको दुल्लु नगरपालिकाले पहल गर्ने बताउनुभयो ।



Leave a comment

Your email address will not be published.


*