सोसेकद्धारा विभिन्न स्थानीय तहलाई खाद्य सामग्री हस्तान्तरण

दैलेख चैत्र ३० गते। सामाजिक सेवा केन्द्र (सोसेक) नेपाल दैलेखले विभिन्न स्थानीय तहमा खाद्य सामग्री हस्तान्तरण गरेको छ । संस्थाले एकद्धार प्रणाली मार्फत खाद्यान्न वितरण गर्ने गरी स्थानीय तहलाई खाद्य सामग्री हस्तान्तरण गरेको हो । दातृ निकाय डिसीए नेपालको आर्थिक सहयोगमा संस्थाले नौमूले गाउँपालिका, चामुण्डाविन्द्रासैनी नगरपालिका, महाबु गाउँपालिका, भगवतीमाई गाउँपालिका र भैरबी गाउँपालिकालाई खाद्य सामग्री हस्तान्तरण गरेको हो ।
सामाजिक सेवा केन्द्र (सोसेक) नेपालका प्रशासन तथा लेखा अधिकृत टिकाराम सापकोटाका अनुसार नौमूले गाउँपालिकामा ६० बोरा चामल, ४० प्याकेट तेल, ४० प्याकेट नुन, ४० केजी दाल, २० केजी चिनि, ८ केजी चिया हस्तान्तरण गरिएको छ । यस्तै चामुण्डाविन्द्रासैनी नगरपालिकामा ५५ बोरा चामल, ४० प्याकेट तेल, ४० प्याकेट नुन, ४० केजी दाल, १० केजी चिनि, ५ केजी चियापत्ती हस्तान्तरण गरिएको छ । यसैगरी महाबु गाउँपालिकामा २५ बोरा चामल, २५ प्याकेट तेल, २५ प्याकेट नुन, २५ केजी दाल, साढे १२ केजी चिनि, ५ केजी चियापत्ती हस्तान्तरण गरिएको छ ।
भगवतीमाई गाउँपालिकामा २५ बोरा चामल, २५ प्याकेट तेल, २५ प्याकेट नुन, २५ केजी दाल, साढे १२ केजी चिनि, ५ केजी चियापत्ती हस्तान्तरण गरिएको छ । यस्तै भैरबी गाउँपालिकामा बोरा चामल, २५ प्याकेट तेल, २५ प्याकेट नुन, २५ केजी दाल, साढे १२ केजी चिनि, ५ केजी चियापत्ती हस्तान्तरण गरिएको छ । यस अघि अछामको पंचदेवल विनायक नगरपालिका, आठवीस नगरपालिका र दुल्लु नगरपालिकालाई स्वास्थ्य तथा खाद्यान्न सामग्री हस्तान्तरण गरिसकिएको छ ।
संस्थाका उप–कार्यकारी निर्देशक बसन्त श्रेष्ठका अनुसार स्थानीय तहको मागका आधारमा संस्थाबाट उपलब्ध गराउन सकिने सहयोगको आधारमा विपद् व्यवस्थापन समितिबाट अनुमोदन गराएर ती सामग्रीहरु स्थानीय तहहरुलाई हस्तान्तरण गरिएको हो । यस्तै क्वारेन्टाइन निर्माणका लागि बेड, पीपीई सेट, मास्क, सेनीटाइजर, ग्लोब्स लगाएतका सामग्रीहरु स्थानीय तहलाई हस्तान्तरण गरिसकिएको बताईएको छ ।