२४ घण्टामा ९ संक्रमितको ज्यान गयो, कोरोनाले २८० जनाको मृत्यु

          |   प्रकाशित मितिः शनिबार, भदौ २०, २०७७     ::: 180 पटक पढिएको   |  

काठमाडौं भदाै २० गते । नेपालमा कोरोना भाइरस (कोभिड-१९) संक्रमणबाट मृत्यु हुनेको संख्या २८० पुगेको छ। स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमका अनुसार पछिल्लो २४ घण्टामा ९ जनाको मृत्यु भएसँगै मृतकको संख्या २८० पुगेको हो। मन्त्रालयका अनुसार शुक्रबार निधन हुनेमध्ये तीन महिला छन् । मोरङकी ४३ वर्षीया, मकवानपुरकी ५२ वर्षीया र नवलपरासीकी ३७ वर्षीया महिलाको निधन भएको हो । 
त्यसैगरी काठमाडौंका तीनसहित अन्य ६ पुरुषको निधन भएको छ । काठमाडौंका ४१, ५९ र ६५ वर्षीय पुरुषको निधन भएको मन्त्रालयका प्रवक्ता गौतमले बताए । त्यसैगरी पर्साका ७५, महोत्तरीका ७८ र रुपन्देहीका ४० वर्षीय पुरुषको कोरोनाकै कारणा मृत्यु भएको छ । 

संक्रमितको संख्या ४५ हजार २७७ पुग्याे

पछिल्लो २४ घण्टामा १०४१ जनामा कोरोना संक्रमण पुष्टि भएको छ। योसँगै संक्रमितको कुल संख्या ४५ हजार २७७  पुगेको छ। गौतमका अनुसार २४ घण्टामा ३४९ महिला र ६९२ पुरुषमा संक्रमण पुष्टि भएको हो।  मन्त्रालयका अनुसार २४ घण्टामा १५ सय ६६ जना डिस्चार्ज भएका छन्। योसँगै कुल डिस्चार्ज हुनेको संख्या  २७ हजार १२७ पुगेको छ। यो कुल संक्रमितको ६० प्रतिशत हो। 

पछिल्लो २४ घण्टामा १२ हजार ४७३ जनाको स्वाब परीक्षण हुँदा हजार ४१ मा संक्रमण पुष्टि भएको हो। अहिले नेपालमा ६ हजार ५६१ जना क्वारेन्टाइनमा रहेका छन्। पछिल्लो २४ घण्टामा काठमाडौं उपत्यकामा थप ४०८ जनामा संक्रमण पुष्टि भएको छ। विभिन्न प्रयोगशालमा गरिएको परीक्षणमा उपत्यकामा थप ४०८ जनामा कोरोना पुष्टि भएको मन्त्रालयका प्रवक्ता गौतमले जानकारी दिए। शुक्रबार मात्रै काठमाडौंमा ४५४ जनामा संक्रमण देखिएको थियो। काठमाडौंका ३२६, भक्तपुरका ४५ र ललितपुरका ३७ जनामा कोरोना संक्रमण पुष्टि भएको हो । 



Leave a comment

Your email address will not be published.


*