यौनिक तथा लैङ्गिक अल्पसंख्यक बालबालिकाको अधिकारका लागि नाटक प्रर्दशन

        ज्वाला संदेश संवददाता   |   प्रकाशित मितिः शनिबार, मंसिर ४, २०७८     ::: 116 पटक पढिएको   |  

गुराँस गाउँपालिका–४ घोडाबास बजारमा नाटक ‘लैंगिक पहिचान’ प्रर्दशन गर्दै लक्ष्मी बाल क्लबका बालबालिकाहरु ।

दैलेख : जिल्लाको गुराँस गाउँपालिकाको विभिन्न स्थानमा नाटक प्रर्दशन गरिएको छ । अन्तराष्ट्रिय बाल अधिकार दिवसको अबसर पारेर नाटक प्रर्दशन गरिएको हो । यौनिक तथा लैङ्गिक अल्पसंख्यक बालबालिकाको अधिकारका लागि नाटक प्रर्दशन गरिएको हो ।

यौनिक तथा लैंगिक अल्पसंख्यक बालबालिकाको कथामा नाटक ‘लैङ्गिक पहिचान’ प्रर्दशन गरिएको हो । अन्तराष्ट्रिय बाल अधिकार दिवसको अबसरमा गुराँस गाउँपालिका–४ घोडाबास बजारमा शनिवार नाटक ‘लैंगिक पहिचान’ प्रर्दशन गरिएको छ ।

सेभ द चिल्ड्रेन र सामाजिक सेवा केन्द्र (सोसेक) नेपालको साझेदारीमा सञ्चालित एलजिविटिआई परियोजनाको सहयोग तथा लक्ष्मी बाल क्लबको आयोजनामा नाटक प्रर्दशन गरिएको हो । बाल क्लबका पदाधिकारी तथा सदस्यहरुद्धारा अभिनित नाटक शुक्रवार लक्ष्मी मावीमा प्रर्दशन गरिएको थियो ।

यस्तै गुराँस गाउँपालिका–१ सेफ्टीस्थित भगवती मावीमा पनि नाटक ‘लैङ्गिक पहिचान’ प्रर्दशन गरिएको छ । लाँलीगुराँस बाल क्लबको आयोजनामा शुक्रवार नाटक प्रर्दशन गरिएको थियो ।

सेभ द चिल्ड्रेन र सामाजिक सेवा केन्द्र (सोसेक) नेपालको साझेदारीमा सञ्चालित एलजिविटिआई परियोजनाको सहयोग तथा लाँलीगुराँस बाल क्लबको आयोजनामा प्रर्दशन गरिएको नाटकमा लाँलीगुराँस बाल क्लबका पदाधिकारी तथा सदस्यहरुले अभिनय गरेका थिए ।

यौनिक तथा लैङ्गिक अल्पसंख्यक बालबालिकाले घर, समाज र विद्यालयमा भोग्नु परेको घृणा, तिरस्कार, दुव्र्यवहार तथा पीडालाई नाटकमा देखाउन खोजिएको छ । नाटकमा फरक लैंगिक पहिचानका कारण बालबालिकाहरु विद्यालय जानबाट बञ्चित हुनुपरेको कथा समेत समेटिएको एलजिविटिआई परियोजनाका संयोजक सजना सुनारले बताइन् ।

परियोजना संयोजक सुनारका अनुसार नाटकमार्फत ‘छोरा वा छोरी भन्दा फरक लैंगिक पहिचान हुनु सामान्य हो । यो प्राकृतिक देन हो, जसलाई हामीले स्वीकार गर्नुपर्छ । कोही जन्मदा छोरी भएपनि हुर्कने बढ्ने क्रममा छोरी भन्दा भिन्न हाउभाउ, व्यवहार र स्वभाव हुनसक्छ भने जन्मदा छोरा भएपनि हुर्कने बढ्ने क्रममा छोरा भन्दा भिन्न व्यवहार र स्वभाव हुनसक्छ जुन एकदमै सामान्य हो’ भन्नेबारे घरपरिवार, समाज र विद्यालयमा सचेतना फैलाउन खोजिएको छ ।

‘नाटकमार्फत फरक लैंगिक पहिचान हुनु कुनै पूर्व जन्मको पाप वा मानसिक विचलन होइन् भन्नेबारे समुदायमा सचेतना फैलाउन खोजिएको छ,’ परियोजना संयोजक सुनारले भनिन् ‘छोरा र छोरी भन्दा फरक व्यवहार देखाउने बालबालिकालाई पनि अन्य बालबालिका सरह माया, अवसर र अधिकार दिनुपर्छ भन्ने सन्देश नाटकले दिएको छ ।’

‘कुनै पनि बालबालिका जात, वर्ण, धर्म, फरक भाषा र अपाङ्गता होस् या फरक लैङ्गिक पहिचानका कारण अधिकारबाट बञ्चित हुनु हुँदैन्,’ परियोजना संयोजक सुनारले भनिन् ‘सबै बालबालिका समान रुपमा बाँच्न पाउनु पर्छ र अधिकारको महसुस गर्न पाउनुपर्छ भन्ने सन्देशसहित विद्यालय र समुदायस्तरमा नाटक प्रर्दशन गरिएको हो ।’



Leave a comment

Your email address will not be published.


*