पूर्ण सरसफाई युक्त नमूना गाउँटोल बनाउने अभियान

१० जेठ २०७५,
दुल्लु नगरपालिकाका विभिन्न वडा भित्र रहेका गाउँ तथा टोलहरुलाई पूर्ण सरसफाई युक्त नमूना गाउँटोल बनाउने अभियान तिब्र पारिएको    छ । अभियान अन्तरगत दुल्लु नगरपालिका वडा नं. २ र ४ का स्थानीय सरोकारवाला निकायहरुलाई तालिम प्रदान गरिएको छ ।
पूर्ण सरसफाई युक्त नमूना गाउँटोल बनाउनका लागि दुई वटा वडामा निर्वाचित वडाअध्यक्ष, वडामा निर्वाचित सदस्यहरु, महिला स्वास्थ्य स्वयं सेविकाहरूलाई वडास्तरिय पूर्णसरसफाई अभिमुखीकरण तालिम सम्पन्न गरिएको छ ।

अभिमुखिकरणको सहजिकरण सामाजिक सेवा केन्द्र (सोसेक ) नेपाल, दैलेखको द्धारा सञ्चालित एकीकृत जलस्रोत ब्यवस्थापन कार्यक्रमका फिल्ड निरिक्षक मानबहादुर थापाले गरेको जनाइएको छ ।
उक्त तालिममा एकीकृत जलस्रोत ब्यवस्थापन कार्यक्रमका ललिता भण्डारी र बिष्णुप्रसाद भट्टराई तथा आशा कार्यक्रमका जिवकुमारी खडकाको पनि सहभागिता रहेको थियो ।