बालबालिकालाई छात्रबृती वितरण

दैलेख – शान्ती श्रृजना आधारभुत विद्यालय दुल्लुमा छात्रबृत्रि वितरण गरिएको छ । एकपात लक्जम्बरद्धारा संचालित छिटो र जबरजस्ती विवाह निर्मुल परियोजनाको आर्थिक सहयोग र आवाज फिल्ड कार्यालय दुल्लुको सहजीकरणरमा छात्रबृति वितरण गरिएको हो । कक्षा ४ देखि १० सम्मका ३० जना गरिब जेहेन्दार र अभिभावक विहिन बालबालिकालाई छात्रवितरण गरिएको हो । विद्यालय पोषाक, शैक्षिक सामाग्री सहित प्रति विद्यार्थी तिन हजार बराबरको छात्रबृति वितरण गरिएको छ । छात्रबृती वितरण कार्यक्रम दुल्लु नगरपालिका–४ का वडाअध्यक्ष भरत प्रसाद उपाध्यायको प्रमुख आतिथ्यता र परियोजनाका अधिकृत शेरबहादुर कुमालको अध्यक्षतामा भएको हो । अभिभाबक, विद्यालय व्यवस्थापन समितिका पदाधिकारी, शिक्षक विद्यार्थीहरुको उपस्थिति रहेको कार्यक्रम परयोजनाका सामाजिक परिचालक नारायण प्रसाद उपाध्यायले गरेका थिए ।