यस बर्षको बाटु थापा स्मृति पत्रकारिता पुरस्कार सम्पादक सुनारलाई

दैलेख भदौ ११
एपिवान एचडि टेलिभिजनका जिल्ला संवाददाता एंव बेलासपुर राष्ट्रिय साप्ताहिक पत्रिकाका सम्पादक/प्रकाशक विशाल सुनारलाई यसबर्षको वाटु थापा स्मृति पत्रकारिता पुरस्कार प्रदान गरिएको छ । सामाजिक सेवा केन्द्र (सोसेक) नेपाल, दैलेखको २१ औँ बार्षिक उत्सब तथा साधारण सभा र ८ औ अधिवेशनका अबसरमा उक्त पुरस्कार प्रदान गरिएको हो ।

दैलेखमा खोजमूलक पत्रकारिता गरेको भन्दै सुनारलाई पुरस्कार प्रदान गरिएको हो । जिल्लामा महिला, दलित, पिछडिएका वर्ग, बालबालीकाका क्षेत्रमा सम्बन्धित रही खोजमूलक पत्रकारीता गरेको भन्दै उक्त पुरस्कार प्रदान गरिएको हो । सम्पादक सुनारलाई जिल्ला समन्वय समिति दैलेखका प्रमुख प्रेम बहादुर थापा, सामाजिक सेवा केन्द्र (सोसेक) नेपाल दैलेखका अध्यक्ष हीरासिंह थापा र पूर्व अध्यक्ष सिता रानाले पुरस्कृत गरेका थिए ।

पुरस्कार वितरण पश्चात संक्षिप्त कुरा गर्दै अध्यक्ष हिरासिंह थापाले खोजमूलक क्षेत्रमा क्रियाशिल पत्रकारहरुलाई सम्मान गर्न पाउनु आफ्नो लागि गौरवको कुरा भएको बताए । पुरस्कारको राशी १० हजार १ रुपैयाँ रहेको छ ।