भैरबीमा वक्तृत्वकला तथा साँस्कृति प्रतियोगिता

दैलेख–भैरवी गाउँपालिका, महिला तथा बालबालिका शाखाको आयोजना तथा सामाजिक सेवा केन्द्र (सोसेक) नेपाल दैलेख, सु–आहारा, ग्रामिण जलस्रोत व्यवस्थापन परियोजनाको सह–आयोजनामा महिला दिवस मनाइएको छ । लैङ्गिक समानताको लागि समान सोच र व्यवहार, समृद्धिको आधार’ भन्ने मुल नाराका साथ १०९ औं अन्तराष्ट्रिय महिला दिवस विभिन्न कार्यक्रम गरि मनाइएको हो । दिवसका अबसरमा ‘लैङ्गिक सामानतामा महिलाको भुमिका’ विषयक वक्तृत्वकला प्रतियोगिता तथा साँस्कृतिक प्रतियोगिता आयोजना गरिएको थियो ।

बक्तृत्वकला प्रतियोगितामा भैरबी गाउँपालिकाका ५ वटा वडा र साँस्कृतिक कार्यक्रममा भैरबी गाउँपालिकाका ७ वटै वडाहरुले भाग लिईएका थिए । बक्तृत्वकला तर्फ भैरबी गाउँपालिका – ६ कि दिपा योगी प्रथम, वडा नं. २ की रुपकला थापा द्धितिय, वडा नं. १ कि संगिता वि.क. तृतिय र वडा नं. ७ कि टिका पौडेल सान्तोना भएकी छन् । साँस्कृतिक तर्फ भैरबी गाउँपालिका वडा नं. ७ कि पुष्पा थापाको समुह प्रथम, वडा नं. २ कि बसन्ती थापाको समुह द्वितिय, वडा नं. ४ की कृष्णा विकको समुह तृतिय र वडा नं. १ कि लक्ष्मी थापाको समुह सान्तोना भएका छन् । भैरबी गाउँपालिका उपाध्यक्ष पदम कुमारी विष्टको अध्यक्षतामा सम्पन्न कार्यक्रमा भैरबी गाउँपालिका अध्यक्ष प्रेम बहादुर बुढा, निमित्त प्रमुख प्रशासकिय अधिकृत विष्णु गिरी लगाएतको सहभागिता रहेको थियो ।