बाँझो जग्गा खाद्य उत्पादनमा बाधक

ज्वाला सन्देश संवाददाता

 दैलेख, असोज २९ – जिल्लामा भएको खाद्य अधिकारको सम्वन्धी गरिएको एक अन्र्तक्रियामा बाँझो जग्गा खाद्य उत्पादनमा बाधक भएको सरोकारवालाहरुले बताएका छन् । ३५ औं खाद्य सुरक्षा अधिकार दिवशको अवसरमा नेपालको सम्वीधान २०७२ मा खाद्य अधिकारको अवस्था विषयक अन्तरक्रिया कार्यक्रममा सरोकारवालाहरु बाँझो जमिन र सिचाईको असुविधाका कारण उत्पादनमा कमी आएकाले खाद्य संकट भएको बताएका हुन् ।

सरोकारवालाहरुले कार्यक्रममा २ वर्षसम्म बाँझो जमिन राख्यो भने सरकारले अधिग्रहण गनुपर्ने, खानपानमा परिवर्तन गनुपर्ने, किसानलाई सम्मान गर्नुपर्ने लगायतका कुराहरुमा जोड् दिएका थिए । नेपालको संविधानमा खाद्य अधिकारको अवस्था विषयक अन्र्तक्रिया कार्यक्रममा वक्ताहरुले खाद्य सुरक्षाका लागि उपायहरु दिएका थिए । जिल्ला खाद्य अधिकार संञ्जालको आयोजनामा फियान नेपाल, सुडेक, सोसेक, आरआरएनसंगको सहकार्यमा अन्र्तक्रिया कार्यक्रम गरिएको थियो । खाद्य सुरक्षाको अवस्थाबारे कार्यपत्र फियान नेपालका सुरेश गौतमले प्रस्तुत गरेका थिए । कार्यक्रममा प्रमुख जिल्ला अधिकारी पिताम्वर घिमिरे, प्रहरी प्रमुख डिएसपी विरबहादुर वली, लगायतका सरकारी अधिकारीहरु सहभागी रहेको थियो । कार्यक्रममा सञ्जालका संयोजक हीरासिह थापाको अध्यक्षतामा सम्पन्न भएको थियो ।