घरेलु हतियार वनाउने पेशा पलायन
ज्वाला सन्देश सम्वाददाता
दैलेख कात्तिक ३ – पुर्खाहरुदेखी बनाउँदै आएको परम्परागत घरेलु हतियार बनाउने पेशा पलायत हुने अवस्थमा पुगेको छ । बजार अभाव, मुल्य कम हुँदा घरेलु आरनमा कामी जातका समुदायद्धारा बनाउँदै आएको आँसी, वन्चरो,खुकुरी, तरवार लगायत हतियार बनाउने पेशा लोप हुन थालेको हो ।
विशेष गरी कामी जातीले बनाउने यस्ता शिपमुलक घरेलु हतियार बनाउने पेशा घरका लागि बजारमा यस्ता किसिमका हतियार पाईने भएकाले लोप हुन थालेको हो । बनाउन निकै मेहेनत र समय लाग्ने भएपनि हिजोआज पनि पुरानै मुल्यमा घरेलु हतियार खोज्नुले नाफा नहुँने भएकाले यस्ता किसिमका हतियार बनाउन तर्फ आर्कषण नभएका कारण पेशा नै परिवर्तनसम्म गर्नुपरेको उनीहरु बताउँछन् । तोली गाविसका जीतवहादुर कामीले आफ्नो वुवासंग घरेलु हतियार बनाउन सिकेपछि मेहेनत अनुसार मूल्य नपाउँदा निराश हुने गरेको बताउँछन् । łदिनभर आँगोसंग खेलेर आँसी, कोदालो, बन्चरो, खुकुरी लगायत हतियार बनाए पनि मूल्य राम्रो पाईदैन् । जीतबहादुरले भने, अन्य पेशाबाटै घर खर्च चलाउन सजिलो हुने भएकाले धेरैले यो पेशा छाडिसके ।
बावुको पालामा यसै पेशाबाट परिवारको पेट भर्ने गरेको भएपनि हिजोआज निकै गाह्रो हुने गरेको जीतबहादुरले बताए । łपहिलेपहिले बालीघरे प्रथा थियो । उनले भने, गाँउभरीका घरहरुको कोदालो, आँसी, बन्चरो आदि बनाए बापत वर्षभरी खाने अन्न दिर्थे । अहिले अन्न पनि उब्जनी हुने छाड्यो । बालीघरे रुपमा काम गर्दा घाटा हुने भएकाले पहिलेदेखी नै छाडिसक्यो तर पैसा पनि भनेजति नदिदाँ कहिलेकाही त पेशा नै परिवर्तन गर्नुपर्ने अवस्थामा पुग्ने सोच्ने गरेको जीतबहादुरले बताए ।
उनले एउटाको मुल्य ८० रुपैँयादेखी ३ सय सम्म विक्रि गर्नुपर्ने बाध्यता रहेको बताए । घरेलु हतियार बनाउन निकै दुख हुने भएपनि बजारमा राम्रो मुल्य पाउन नसक्दा कहिले काँही त दिक्क लाग्ने उनले दुखेसो गरे । बाजेबुवाकादेखी नै यो पेशा धान्दै आएकाले अव गाँउमा गर्ने कोही नभएकाले ब्यवसायकै रुपमा गर्ने सोच जीतबहादुरको नभएको भने होईन् । तर, आवश्यक पुँजीको अभावमा गाँउमै सानोतिनो रुपमा आरनबाट घरेलु हतियार बनाउने गरेपनि अवका दिनमा ऋण लिएरै भएपनि ब्यवसायकै रुपमा आफ्ना सन्तानलाई यो पेशा सिकाउने सोचमा उनी छन् । बजारको खोजी गरेर आफ्नो पेशालाई जोगाँउने सोच जीतबहादुरमा रहेको छ । अव आफ्ना सन्तानलाई घरेलु हतियार बनाउने पेशा सिकाएर ब्यवसायकै रुपमा लग्गने सोच छ उनले भने, सवैबाट सहयोगमा अपेक्षा गरेको छु ।
प्रतिक्रिया