सल्यान जिल्ला अस्पतालमा अक्सिजन प्लान्ट जडान
सल्यान : जिल्ला अस्पताल सल्यानमा अक्सिजन प्लान्ट जडान गरिएको छ । फिलिङ सिस्टम सहितको प्लान्टबाट ४० लिटर क्षमताको सिलिन्डर दैनिक ४० देखि ४८ थान भर्न सकिने छ ।
यसअघि जिल्लामा अक्सिजन प्लान्ट नहुँदा खाली सिलिन्डर रिफिल गर्नको लागि दाङ, नेपालगन्ज र सुर्खेत जानुपर्ने बाध्यता थियो । अक्सिजन जडान सिलिन्डर रिफिल गर्न अन्य जिल्ला जानु पर्ने बाध्यता हटेको छ । निमित्त स्वास्थ्य सेवा व्यवस्थापक दशरथ कुमार श्रेष्ठले बताए ।
अक्सिजन प्लान्टबाट अक्सिजन उत्पादन गर्न थालेपछि सल्यानसँगै छिमेकी जिल्ला रोल्पा तथा रुकुमका नागरिकलाई समेत सहजता हुने अस्पतालले बताएको छ ।
जिल्लामा अक्सिजन नपाएर कसैले पनि ज्यान गुमाउनु नपर्ने अस्पतालले बताएको छ । प्लान्टबाट पाइप लाइनबाट बेडमा अक्सिजन जडान गरिनु साथै छुट्टै सिलिन्डर पनि भर्न सकिने श्रेष्ठको भनाई छ ।
जडान गरिएको प्लान्टबाट अस्पतालमा अक्सिजन अभाव नहुने अस्पताल विकास समितिका अध्यक्ष चन्द्र प्रकाश वलीले बताए। अन्य स्थानमा समेत मागअनुसार उपलब्ध बनाइने उनले बताए ।
अस्पतालमा रोल्पा र रुकुमका धेरै बिरामी उपचारका लागि आउने गरेका छन् । अस्पतालमा दैनिक १ सय पचास देखि २ सय जना सम्म बिरामीहरू उपचारका लागि आउने गरेको डाक्टर अभिषेक सिंहको भनाई छ । सङ्घीय सरकारको ७१ लाख बजेटबाट अक्सिजन प्लान्ट जडान गरिएको हो ।
प्रतिक्रिया